Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da eki adamnyń ajaly tósekte temeki shegýden boldy

2021 jyldyń 28 qyrkúıek 2021 22:17

PETROPAVL. QazAqparat – Soltústik Qazaqstan oblysynda bıyl órtte 39 adam qaza tapty, bul ótken jyldan 11 %-ǵa artyq, al jaraqattanǵandar sany úsh ese artyp, 35 adamǵa jetti, dep habarlaıdy QazAqparat tilshisi.

SQO tótenshe jaǵdaılar departamenti baspasóz qyzmetiniń málimetinshe, bıyl jyl basynan óńirde 528 órt tirkelgen, bul ótken jyldyń osy kezeńimen salystyrǵanda 10 %-ǵa artyq. Kelgen shyǵyn kólemi eki ese kóbeıip, 210 mln teńgege jetken.

Tek ótken aptada oblysta 10 órt tirkelgen. Saldarynan eki adam mert boldy. Eki jaǵdaıda da er adamdardyń ajaly tósekte jatyp temeki shegýden boldy.

«Petropavldaǵy Borkı kentindegi «Rıabınka» saıajaı seriktestiginde ýaqytsha turýǵa arnalǵan aýmaǵy 41 sharshy metrlik úı-jaıda órt shyqty. Oqıǵa ornynan 1969 jylǵy er adamnyń denesi tabyldy. Órt tósekte jatyp shylym shegýden shyqqan. Taǵy bir órt J.Jabaev kóshesinde ornalasqan «Radar» JShS bir qabatty kúzetshi úıinen shyqty. Úı-jaıda ýaqytsha turyp jatqan 1966 jylǵy er adam janyp ketti. Munda da otty abaısyz qoldaný, ıaǵnı tósekte temeki shegý sebep bolǵan», - deıdi Petropavl qalalyq tótenshe jaǵdaılar basqarmasynyń bastyǵy Vladımır Hýtınaev.


Joǵary qaraı