Aýa raıy
Astana -6 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da elik atqan brakoner ustaldy

2020 jyldyń 20 qazan 2020 14:13

PETROPAVL. QazAqparat – Soltústik Qazaqstan oblysynda zańsyz elik atty degen kúdikpen aýyl turǵyndary ustaldy, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, Jambyl aýdandyq polıtsııa bólimine saǵat túngi 01.30 shamasynda SQO Orman sharýashylyǵy jáne janýarlar álemi aýmaqtyq ınspektsııasy aýdandyq bóliminiń basshysynan zańsyz ańshylyq jóninde habarlama túsedi. Olar reıd barysynda aýdan ortalyǵy Presnovka eldi mekeninen 60 shaqyrym jerdegi Sýatkól aýylynyń mańynda VAZ-2104 kóligin toqtatqan. Kólikte úsh er adam bolǵan, salonnan eliktiń eti men ańshy myltyǵy tabyldy.




Aýdandyq polıtsııa bóliminiń jedel-tergeý toby oqıǵa ornyna jetip, kóliktiń júksalǵyshynan sibir eliginiń etin jáne pyshaqty aldy. Sondaı-aq tirkelmegen oqtaýly TOZ-63 myltyǵyn tárkiledi.

«Tekseris barysynda sol túni ıAvlenka aýylynyń 40 jastaǵy turǵynynyń

eki tanysymen Tımırıazev aýdanyna jumystarymen shyqqany belgili boldy.

Aıtýlarynsha, Jambyl aýdanymen shekarada olar aýyl ishilik jolda elikti kórip qalyp, atyp alypty. Sol túni SQO Orman sharýashylyǵy jáne janýarlar álemi aýmaqtyq ınspektsııasy mamandary reıdke shyqqan eken. Olar beısaýat júrgen kólikti toqtatyp, teksergen», - deıdi Jambyl aýdandyq polıtsııa bóliminiń bastyǵy Asan Meıramov.

Bul fakti «Zańsyz ańshylyq» baby boıynsha Sotqa deıingi tergep-tekserýdiń biryńǵaı tizilimine engizildi. Kúdiktige «shaqyrǵanda mindetti túrde kelý» túrindegi bultartpaý sharasy tańdaldy. Qarý men ań eti saraptamaǵa jiberilip, sonyń qorytyndysy boıynsha protsessýaldyq sheshim qabyldanbaq.


Joǵary qaraı