Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da Ǵ.Músirepov atyndaǵy aýdanǵa jańa ákimi taǵaıyndaldy

2021 jyldyń 14 qazan 2021 13:24

PETROPAVL. QazAqparat – Soltústik Qazaqstan oblysy Ǵabıt Músirepov atyndaǵy aýdanǵa jańa ákim taǵaıyndaldy, dep habarlaıdy QazAqparat tilshisi.

SQO ákimi Qumar Aqsaqalov Ǵ.Músirepov atyndaǵy aýdannyń jańa basshysyn tanystyrdy.

Bul qyzmetti endi Serik Muhamedıev atqarady. Serik Maqsutuly 1965 jyly Shyǵys Qazaqstan oblysy Kókpekti aýdany Bıaǵash aýylynda dúnıege keldi. Bilimi joǵary, 1989 jyly ınjener mamandyǵy boıynsha Óskemen qalasynyń qurylys-jol ınstıtýtyn aıaqtaǵan.

Eńbek jolyn 1989 jyly Almaty qalasynyń 2562 Avtotizbekti paıdalaný bóliminiń basshysy bolyp bastady. 1991-2010 jyldar aralyǵynda saýda jáne bıznes salalarynda ekonomıst, saýda-sattyq bóliminiń basshysy, birneshe kompanııanyń dırektory bolyp jumys istedi.

Memlekettik qyzmetke 2010 jyldyń shildesinde keldi. SQO jolaýshylar kóligi jáne avtomobılder joldary basqarmasynda josparlaý jáne smetalyq-sharttyq jumystardy júrgizý bóliminiń bas mamany, jolaýshylar tasymaldaýdy uıymdastyrý bóliminiń bastyǵy, basqarma basshysynyń orynbasary laýazymdarynda 2016 jylǵa deıin qyzmet atqardy.

Buǵan deıin SQO ákimdiginiń qurylys, sáýlet jáne qala qurylysy basqarmasynyń basshysy boldy.


Joǵary qaraı