Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da «KamAZ» kóligi 12 jasar qyzdy basyp ketti

2021 jyldyń 14 qyrkúıek 2021 15:59

PETROPAVL. QazAqparat – Soltústik Qazaqstan oblysynda «KamAZ» júrgizýshisi velosıpedshilermen soqtyǵysyp, saldarynan 12 jasar qyz mert boldy, dep habarlaıdy QazAqparat tilshisi.

Oqys oqıǵanyń beınejazbasy áleýmettik jelide tarady. Oqyrmandardyń aıtýynsha, qaza tapqan velosıpedshi sport mektebi jattyqtyrýshysynyń qyzy bolǵan.

Jol-kólik oqıǵasy jaıynda keıin SQO polıtsııa departamentiniń baspasóz qyzmeti túsinik berdi.

«14 qyrkúıek kúni saǵat 10.00 shamasynda Qyzyljar aýdany aýmaǵynda, «Petropavl-Jezqazǵan avtojolynyń 953 shaqyrymynda jol-kólik oqıǵasy boldy. Saldarynan velosıped mingen 12 jastaǵy qyz júk kóliginiń astyna tústi. Apat ornyna Qyzyljar aýdandyq polıtsııa bóliminiń jedel-tergeý toby bardy. Anyqtalǵany, «KamAZ» kóliginiń 31 jastaǵy júrgizýshisi velosıpedshilermen bir baǵytta Petropavlǵa bara jatqan. Sport mektebiniń tárbıelenýshileri áýejaı jaqtan shyqqan eken. Olarǵa ilesken «Gazel» kóligi bolǵan», - delingen habarlamada.

Jol-kólik oqıǵasynyń saldarynan qyz bala sol jerde qaza tapty.

Bul fakti sotqa deıingi tergep-tekserýlerdiń biryńǵaı tizilimine «Kólik quraldaryn júrgizýshi adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha engizildi.

Qylmystyq is aıasynda barlyq tıisti saraptamalar jasalyp, apat jaǵdaıaty anyqtalatyn bolady.


Joǵary qaraı