Aýa raıy
Astana -2 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da KamAZ júrgizýshisi abaısyzda bulandy soqty

2020 jyldyń 15 qyrkúıek 2020 04:18

PETROPAVL. QazAqparat – Soltústik Qazaqstan oblysynda janýarlardyń jolǵa shyǵyp ketýinen eki birdeı jol-kólik oqıǵasy tirkeldi, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, senbi kúni tańerteń Qyzyljar aýdanynyń Znamenskoe aýyly mańynda bulan KamAZ kóliginiń astyna tústi. 38 jastaǵy júrgizýshi mashınasymen bıdaı tasymaldap bara jatqan. Jolda aldynan túz taǵysy atyp shyǵyp, abaısyzda soqqan. Oqıǵa jóninde júrgizýshi 102-ge habarlaǵan. Qatty soqqydan bulannyń tórt aıaǵy synǵan. Polıtsııa qyzmetkerleri jetkenshe jaraqat alǵan janýar óldi. Tártip saqshylary ony veterınarııa qyzmetiniń mamandaryna tapsyrdy.





Sondaı-aq Aıyrtaý aýdanyndaǵy Aıyrtaý aýylyna jaqyn jerde senbiden jeksenbige qaraǵan túni kenetten jolǵa shyqqan jylqy jol-kólik oqıǵasyna sebepshi boldy. VAZ-21015 avtomashınasynyń 35 jastaǵy júrgizýshisi janýardy soqty. Saldarynan júrgizýshi men onyń 18 jastaǵy jolaýshysy túrli jaraqattarmen aýrýhanaǵa jetkizildi. Ýchaskelik polıtsııa ınspektory jylqynyń ıesin anyqtap, oǵan ákimshilik hattama toltyrdy.

«Jabaıy janýarlar da, úı janýarlary da jol-kólik oqıǵalaryna sebepshi bolyp jatady. Kenetten jolǵa shyǵyp, júrgizýshiler úshin úlken qaýip týdyrady. Ormannyń mańynan ótkende, túnde qyraǵylyq tanytyp, jyldamdyq rejımin qatań saqtaý arqyly ǵana jol-kólik oqıǵasynyń aldyn alýǵa bolady. Biraq bul da soqtyǵysyp qalýdan saqtamaıdy, degenmen apattyń aýyr saldaryn barynsha azaıtady», - deıdi SQO PD bastyǵynyń birinshi orynbasary Qanat Aıtbaev.





Joǵary qaraı