Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da qańǵyǵan ıt-mysyqty aýlaýǵa 61 mln teńge jumsaldy

2021 jyldyń 3 jeltoqsan 2021 09:33

PETROPAVL. QazAqparat – Soltústik Qazaqstan oblysynda asa qaýipti mal aýrýlary boıynsha epızootıkalyq jaǵdaıdy veterınarlar baqylaýda ustap otyr, dep habarlaıdy QazAqparat tilshisi.

SQO veterınarııa basqarmasynyń málimetinshe, óńirde ólgen malǵa arnalǵan 379 qorym bar. Onyń keıbiri talapqa saı emes. Osyǵan baılanysty jyl saıyn jańasyn salýǵa jáne baryn jónge keltirýge bıýdjetten qarjy bólinedi. Byltyr 3 qorym jańadan salynyp, 11-i jóndeldi. Bıyl osy maqsatqa 51,6 mln teńge jumsaldy. Nátıjesinde 11 salynyp, 14-i jańalandy.

Qańǵyǵan ıt-mysyq túrli aýrýdy taratýy múmkin. Bıyl 11 aıdyń ishinde 15 myńǵa jýyq ıt, 500-ge jýyq mysyq aýlandy. Oblys bıýdjetinen bul jumysqa 61 mln teńge bólindi.

Veterınar mamandar jetispeýshiligi máselesi de birtindep sheshilip keledi. Bıyl «Dıplommen aýylǵa» baǵdarlamasy aıasynda 8 jas jumysqa ornalasty. Oblys bıýdjetinen veterınar mamandyǵyna oqytýǵa 40 grant berildi. Onyń 15-i joǵary oqý oryndaryna arnalǵan. Memlekettik basqarý Akademııasynyń fılıalynda 30 maman biliktiligin arttyrdy. Taǵy 51 adam kýrstan ótip, olardyń barlyǵy jumyspen qamtyldy.

Buǵan deıin qaýipti juqpaly aýrýlardan qorǵaý úshin SQO-da 1,8 mln malǵa, 3 mln 200 myń qusqa vaktsına egilgenin aıtqan edik.


Joǵary qaraı