Aýa raıy
Astana 9 °S
Almaty 11 °S
valıýta baǵamy
USD 412.55
EUR 468.66
RUB 5.79
CNY 58.80

SQO-da karantınge qaramastan shirkeýde úılený toıy ótkizilgen

2020 jyldyń 7 tamyz 2020 20:51

PETROPAVL. QazAqparat – Soltústik Qazaqstan oblysyndaǵy aýyldaǵy shirkeýde Petropavl qalasynyń turǵyndary karantınge qaramastan úılený toıyn uıymdastyrǵan, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, Petropavl turǵyndary otbasylyq merekeni ótkizý úshin Qyzyljar aýdanyndaǵy Arhangelskoe aýylyn tańdaǵan.

Aýyldyq okrýgtiń ákimi oblystyń bas sanıtarlyq dárigeriniń qaýlysyna sáıkes toıdy ótkizýge tyıym salynǵanyn eskertken. Biraq uıymdastyrýshylar onyń eskertýin elemegen. Aýyl ákimi ýchaskelik polıtsııa ınspektoryn habardar etip, telefon shalǵan. Ol monıtorıng tobymen birge shirkeýge kelip, toıdyń ústinen tústi.

Petropavl qalasynyń turǵyndary resmı nekege turǵannan keıin Qyzyljar aýdanynyń Arhangelskoe aýylynda shirkeýde neke qıyp, toılamaq bolǵan. Monıtorıng toby dastarhan basyna jınalǵan qonaqtardy foto jáne beınejazbaǵa túsirip aldy.

Ýchaskelik polıtsııa ınspektory Erlan Bashenov toı ótkizýge ruqsat bergen jergilikti shirkeýdiń din qyzmetkeri men is-sharany uıymdastyrýshy ata-anaǵa qatysty ákimshilik materıal jınady. Karantın talabyn buzýǵa qatysty sheshim qabyldaý úshin materıaldar Qyzyljar aýdandyq taýarlar men qyzmetterdiń sapasyn baqylaý jáne qaýipsizdigi bólimine jiberildi.

«Qyzyljar aýdanynda osyndaı tórtinshi oqıǵa tirkelip otyr. Halyq mundaı merekeler arqyly koronavırýs ınfektsııasynyń taralýyna yqpal etetinin oılamaıdy. Aýdanda prokýratýra, ákimdik, polıtsııa qyzmetkerleri, sanıtarlyq-epıdemıologııalyq mamandar kirgen monıtorıng toby jumys istep jatyr. Aýdan turǵyndary da jıyn-toı ótkizgenderdi anyqtaýǵa kómektesip keledi», - deıdi Qyzyljar aýdany polıtsııa bólimi bastyǵynyń mindetin atqarýshy Jánibek Muhamadıev.


Joǵary qaraı