Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da keı turǵyndar sanaq qyzmetkerlerine esik ashpaı jatyr

2021 jyldyń 19 qazan 2021 13:52

PETROPAVL. QazAqparat – Soltústik Qazaqstan oblysynda ulttyq sanaq tıisti deńgeıde ótpeýi múmkin, keı turǵyndar ıntervıýerlerdi úılerine kirgizbeı qoıǵan, dep habarlaıdy QazAqparat tilshisi.

On jylda bir ret ótetin ulttyq sanaqtyń aıaqtalýyna 11 kún qaldy. SQO-da sanaq qyzmetkerleri úı-úıdi aralaý barysynda qıyndyqtarǵa tap bolyp jatyr. Turǵyndardyń biri múlde esik ashpasa, endi biri onlaın-sanaqtan ótkendigi týraly habarlamany kórsetýden bas tartqan. Osyǵan oraı óńir basshysy Qumar Aqsaqalov búgin turǵyndarǵa úndeý jarııalady. Ákimniń aıtýynsha, oblysta 300 myńǵa jýyq adam qamtyldy, onyń ishinde 173 myń turǵyn sanaqty onlaın formatta ótti. Bul jumysty 500-den astam ıntervıýer atqaryp jatyr.

«Sizderdiń árqaısyńyz bul naýqannyń mańyzdylyǵyn tolyq túsinýińiz kerek. Halyq sanaǵy memlekettik basqarýda sheshýshi ról atqarady. Ol ár 10 jyl saıyn ótedi. Búginde bul álemniń kóptegen memleketterinde eldiń biryńǵaı portretin jasaýdyń jalǵyz quraly. Aqparat kózi - halyqtyń ózi. Elimizde halyq sanaǵyn ótkizý demografııalyq jáne áleýmettik-ekonomıkalyq aqparatty alýǵa múmkindik beredi.

Sanaq nátıjeleri ekonomıkalyq boljaýǵa, áleýmettik baǵdarlamalardy ázirleýge, qurylystyń jáne basqa da salalardyń damý jolyn anyqtaýǵa qoldanylady. Bir sózben aıtqanda, munyń bári azamattardyń ómir súrý sapasyn jaqsartý úshin jasalyp otyr. Men oblys turǵyndaryn halyq sanaǵyna belsendi qatysýǵa shaqyramyn», - dedi Qumar Aqsaqalov óz úndeýinde.

Búginde saýda úıleriniń, dúkenderdiń, memlekettik mekemeler men bazarlardyń aýmaǵynda sanaqtan ótý úshin 88 arnaıy oryn ashylǵan. Sanaq júrgizýshilerdiń úıge kelýin kútpeı, sanaq ornyna kelip, málimetterdi tapsyrýǵa bolady.


Joǵary qaraı