Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da kólikti aıdap áketip, órtep jibergen aýyl turǵyny ustaldy

2021 jyldyń 21 shilde 2021 13:13

PETROPAVL. QazAqparat – Soltústik Qazaqstan oblysynda aýyl turǵyny túnde kóligin ashyq qaldyramyn dep mashınasynan aıyryldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, oqıǵa shilde aıynyń basynda Ǵ.Músirepov atyndaǵy aýdanda bolǵan. Toqsan bı aýylynyń turǵyny «VAZ 21099» avtokóligin túngige esik aldynda ashyq qaldyryp, tańerteń ornynan tappaǵan. Er adam birden polıtseılerdiń kómegine júgingen.

Jedel-izdestirý is-sharalary barysynda osy oqıǵaǵa qatysy bolýy múmkin basqa aýyldyń buryn sottalǵan 21 jastaǵy turǵyny anyqtaldy. Sózine qaraǵanda, ol Toqsan bı aýylynda qonaqta bolǵan. Túnde úıine qaıtyp bara jatqanda aýlalardyń birinde ot aldyrý kilti bar esigi ashyq turǵan kólikti kórip, minip ketedi. Biraz júrgennen keıin benzıni taýsylǵan mashınany joldyń shetine shyǵaryp, órtep jibergen. Úıine jetkende, ony aýdandyq polıtsııa bóliminiń jedel ýákilderi qarsy aldy.

«Atalǵan fakti Sotqa deıingi tergep-tekserýdiń biryńǵaı tizilimine «Avtomobıldi nemese ózge de kólik quralyn jymqyrý maqsatynsyz quqyqqa syıymsyz ıelenip alý» boıynsha engizildi. Іs materıaldaryn sotqa jiberýge ázirlep jatyrmyz. Jyl basynan aýdanda kólikti quqyqqa syıymsyz ıelenýdiń 3 faktisi tirkelip, barlyǵy ashyldy», - deıdi aýdandyq polıtsııa bólimi bastyǵynyń mindetin atqarýshy Rýslan Birjanov.





Joǵary qaraı