Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da kópqabatty turǵyn úılerdiń 69 paıyzy basqarýdyń jańa túrine kóshti

2022 jyldyń 19 qańtar 2022 21:54

PETROPAVL. QazAqparat – Soltústik Qazaqstan oblysynda 2 myńǵa jýyq kóp qabatty turǵyn úı bolsa, jańa zańǵa sáıkes 69 %-y basqarýdyń jańa túrine kóshti, dep habarlaıdy QazAqparat tilshisi.

SQO ákimdiginde qurylys jáne turǵyn úı-kommýnaldyq sharýashylyq basqarmalarynyń alqa otyrysy ótip, ótken jylda atqarǵan jumystary qorytyndylandy, alǵa mindetter bekitildi.

SQO energetıka jáne turǵyn úı-kommýnaldyq sharýashylyǵy basqarmasynyń málimetinshe, óńirde 1 837 kópqabatty turǵyn úı bolsa, onyń 1152-si Petropavlda ornalasqan. Úılerdiń negizgi bóligi 1960-1980 jyldary aralyǵynda salynǵan jáne búginde basym bóligine kúrdeli jóndeý qajet.

QR «Turǵyn úı qatynastary týraly» Zańyndaǵy sońǵy ózgertýlerge baılanysty kondomınıým nysandary páter ıeleri kooperatıvterinen basqarýdyń jańa túrlerine - múlik ıeleriniń birlestikterine jáne jaı seriktestikterge kóship jatyr. SQO-da osy kúnge deıin 1068 úıde jańa basqarý júıesi quryldy. Bul barlyq nysannyń 69 %-y. Sonyń ishinde turǵyndardyń tańdaýymen 100 múlik ıeleriniń birlestikteri jáne 968 jaı seriktestikter qurylǵan.

Al «Óńirlerdi 2020 jylǵa deıin damytý» baǵdarlamasy aıasynda 2011 jyldan bastap 2020 jylǵa deıin oblysta jalpy somasy 2,7 mlrd teńgege 170 úı jóndeldi, onyń ishinde 42 úı qaıtarymdy qarajat esebinen 753 mln teńgege jónge keltirilgen. Byltyr 2020-2025 jyldarǵa arnalǵan «Nurly Jer» turǵyn úı-kommýnaldyq sharýashylyǵyn damytý baǵdarlamasy boıynsha jalpy somasy 1 022 mln teńgege 19 úıde jóndeý jumystary bastaldy. Onyń 18-i Petropavlda, bireýi - Taıynsha qalasynda ornalasqan. Jergilikti bıýdjet esebinen 68 mln teńgege 3 úı jóndelip jatyr. jóndeý jumystary bastaldy.

Máselen Petropavldaǵy Shýhov kóshesi, 2A mekenjaıynda múlik ıeleriniń birlestigi qurylǵan. Munda respýblıkalyq bıýdjet esebinen 76 mln teńgege shatyry aýystyrylyp jatyr. Bıyl bul jumystar jalǵasyn tabady. Osy maqsatqa 1 083 mln teńge qarajat bólindi. Bul somaǵa taǵy 26 úıdi jóndeý josparlanǵan. Qazirgi ýaqytta jobalyq-smetalyq qujattary ázirlenip jatyr.


Joǵary qaraı