Aýa raıy
Astana 6 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da kópsalaly aýrýhana syrqattardy josparly túrde qabyldap jatyr

2020 jyldyń 4 tamyz 2020 15:33

PETROPAVL. QazAqparat – Soltústik Qazaqstan oblysyndaǵy kópsalaly aýrýhana syrqattardy josparly túrde qabyldaýdy bastady, dep habarlaıdy QazAqparat tilshisi.

SQO-daǵy kópsalaly aýrýhana syrqattardy josparly túrde qabyldaýǵa 100% daıyn. Medıtsınalyq mekemeniń bas dárigeri ıÝrıı Belonogtyń aıtýynsha, búginde provızorlyq statsıonarǵa ókpe qabynýymen jáne koronavırýsty ınfektsııamen túsetin syrqattar sany birneshe ese azaıǵan. Qaýipti aýrý órship turǵan kezde aýrýhanada qurylǵan 2 statsıonarǵa táýligine 70-ten asa naýqas tússe, qazir olardyń sany 20-ǵa jetpeıdi eken.

«Aýrýhanada ashylǵan eki statsıonardy ázirge jappaımyz. Al josparly túrde qabyldanatyn syrqattar aldymen PTsR-test tapsyrady. Qazir gemotologııalyq bólimshe onkologııalyq ortalyq negizinde jumys istep jatyr. Nevrologııalyq ınsýlt ortalyǵy osyndaǵy neırohırýrgııalyq bólimshege, revmatologııalyq, gastroenterologııalyq, endokrınologııalyq bólimsheler búginde kardıologııalyq ortalyqta jumysyn jalǵastyrýda. Bizde taza aýmaqta ońaltý bólimshesi ǵana jumys isteıtin bolady. Insýlt alǵan, kardıohırýrgııalyq, neırohırýrgııalyq otadan keıingi ońaltý bólimshesine suranys joǵary. Ol 35 orynǵa shaqtalǵan», - deıdi ıÝrıı Belonog.

Alaıda keı naýqastarǵa josparly túrde em alý úshin kútýge týra keledi. Bas dárigerdiń aıtýynsha, ázirge hırýrgııa, neırohırýrgııa, ýrologııa, nefrologııa, oftalmologııa jáne ońaltý baǵyttary boıynsha syrqattardy josparly túrde aýrýhanaǵa jatqyzý týraly buıryq túspegen.


Joǵary qaraı