Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da qoryq aýmaǵynda zańsyz elik atqandar ustaldy

2021 jyldyń 15 qyrkúıek 2021 14:37

PETROPAVL. QazAqparat – Soltústik Qazaqstan oblysynda Sogrov qoryǵynda eki elik atyp alǵan brakonerler ustaldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, 14 qyrkúıek kúni tabıǵatty qorǵaý polıtsııasynyń aǵa ınspektory, «Kókshetaý» ulttyq tabıǵı parktiń ınspektory jáne Qyzyljar aýdanyndaǵy Sogrov qoryǵynyń bas qoryqshysy qoryq aýmaǵyna túnde reıdke shyǵyp, myltyq daýysyn estıdi. Brakonerlerdi ustaý úshin bólinip, orman ishin súzedi. Nátıjesinde sibir eligin soıyp jatqan úsheýdiń ústinen túsedi. Sol jerde turǵan «Toyota Prado» kóliginiń júk salǵyshynda taǵy bir ańnyń eti bolǵan.

Bul derek «Zańsyz ańshylyq» boıynsha sotqa deıingi tergep-tekserýlerdiń biryńǵaı tizilimine engizildi. Kúdikti úsh adam ustaldy. Olardyń ekeýi – 52 jáne 39 jastaǵy petropavldyq, bireýi 51 jastaǵy Mamlıýt aýdanynyń turǵyny. Olardan 308 kalıbrli «Steyr Mannlicher» oıyq uńǵyly karabın alyndy.




«Tabıǵatty qorǵaý polıtsııasynyń qyzmetkerleri mundaı reıdke jıi shyǵyp turady. Maqsat zańsyz ań aýlaý faktileriniń aldyn alý jáne balyq aýlaý tártibiniń buzylýyna jol bermeý. Іs-sharaǵa múddeli mekemelerdiń ókilderi de qatysady. Jyl basynan oblysta zańsyz ań aýlaýǵa qatysty 10 derek tirkelip, ań aýlaý tártibin buzýdyń 405 jaǵdaıy tirkeldi», - deıdi SQO PD jergilikti polıtsııa qyzmeti basqarmasynyń tabıǵatty qorǵaý polıtsııasy tobynyń aǵa ınspektory Ashat Qojabaev.





Joǵary qaraı