Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da «Kreenıe» meıramynda sý qoımalarynda mobıldi toptar kezekshilik etedi

2022 jyldyń 17 qańtar 2022 19:43

PETROPAVL. QazAqparat – Pravoslavtyqtardyń dinı meıramy 19 qańtar atap ótiledi, dep habarlaıdy QazAqparat tilshisi.

SQO óńirlik kommýnıkatsııalar qyzmetinde «Kreenıe» meıramyna qatysty qutqarýshylar arnaıy brıfıng ótkizdi. Pravoslavtyqtardyń dinı meıramy 19 qańtar atap ótiledi. Bul kúni adamdar sý qoımalarynda arnaıy ázirlengen oıyqtarǵa sýǵa túsip, shoqyndyrylǵan sýdan ydystaryna quıyp alady. Senim boıynsha, mundaı sý bir jyl boıy buzylmaı saqtalady jáne ony emge paıdalanýǵa bolady.

«Ótken jyldardyń tájirıbesine súıensek, bul kúni sýǵa shomylatyndar sany kóp. Osyǵan oraı Petropavlda Esil ózeninde, qalalyq saıajaı jáne ózen porty aýmaǵynda eki oryn ázirlenedi. Beskól eldi mekenindegi kólde oıyq oıylady. Turǵyndardyń qaýipsizdigin qamtamasyz etý úshin ózen-kólderdegi muz qalyńdyǵy ólshendi. Esil ózeninde muz bar bolǵany 16-40 sm aralyǵynda ǵana», - deıdi SQO tótenshe jaǵdaılar departamenti jedel-qutqarý jasaǵynyń jetekshisi Sergeı Cherkasov.

Sondyqtan 18 qańtar kúni saǵat 23.00-den bastap halyq shomylýǵa arnalǵan muz oıyqtardyń janynda mobıldi toptar kezekshilik etedi. Ótimdiligi joǵary tehnıka men súńgýirler de oqys oqıǵalarǵa daıyn bolmaq.

«Bul kún tynysh ótýi úshin turǵyndardan qaýipsizdik sharalaryn saqtaýdy suraımyz. Muz oıyqqa ylǵaıly, taıǵanamaıtyn aıaq kıimmen kelgen durys, bul sýyqtan aıaqtyń sezimtaldyǵyn da joǵaltpaýǵa sep. Sondaı-aq arnaıy mamandar bar jerlerde ǵana sýǵa shomylý, spırttik ishimdik ishpeý, mas bolyp sýǵa túspeý, ózimen birge úı janýarlaryn ákelmeý, arttarynan qoqysty qaldyrmaý, sýyq sýda 1 mınýttan artyq bolmaý qajettigin eske salamyz. Muz bıyl juqa, sol sebepti muz ústine 20 adamnan artyq shyqpaýdy suraımyz», - deıdi Sergeı Cherkasov.

«Qazgıdromet» RMK-nyń boljamynsha, bul kúnderi SQO-da qatty aıaz bolmaıdy. 18 qańtar kúni óńirde kúndiz aýa temperatýrasy -7-12 gradýs aralyǵynda bolsa, túnde termometr -10-15-ti kórsetpek. Al 19 qańtar kúni kúndiz synap baǵanasy -10-15, oblystyń shyǵysynda -18, túnde -13-21 gradýs aralyǵynda bolady dep boljanǵan.


Joǵary qaraı