Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da qus tumaýy anyqtalǵan eldi mekennen karantın alyndy

2021 jyldyń 8 qarasha 2021 17:01

PETROPAVL. QazAqparat – Soltústik Qazaqstan oblysynda qus tumaýy anyqtalǵan Lebıaje eldi mekeninen veterınarııalyq is-sharalar kesheniniń aıaqtalýyna baılanysty karantın alyndy, dep habarlaıdy QazAqparat tilshisi.

Ashyq normatıvtik quqyqtyq aktiler saıtynda karantındi toqtatý týraly qujattyń jobasy jarııalandy.

Maǵjan Jumabaev aýdanynyń bas memlekettik veterınarııalyq-sanıtarııalyq ınspektorynyń 3 qarashadaǵy usynysy negizinde Lebıaje aýyldyq okrýginiń ákimi sheshim qabyldap, karantındi aldy.

Oǵan qus tumaýy aýrýynyń aldyn alý jáne oqshaýlaýǵa qatysty atqarylǵan veterınarııalyq jumystardyń aıaqtalýy sebep bolǵan.

«Asa qaýipti aýrý oshaǵy – joǵary patogendi qus tumaýyn oqshaýlaý jáne joıý boıynsha veterınarııalyq is-sharalar kesheni ótkizildi. 3 qarashadaǵy zerthanalyq zertteýlerdiń nátıjesi boıynsha 20 synama kórsetkishi – teris. Osynyń negizinde shekteýlerdi alý týraly sheshim qabyldandy», - delingen túsindirme jazbada.

Esterińizge salaıyq, 27 qyrkúıek kúni Lebıaje eldi mekeni qus tumaýy oshaǵynyń anyqtalýyna baılanysty karantınge jabylǵan edi.

Bir aptanyń ishinde aýyl turǵyndarynyń myńnan astam qusy qyrylyp qaldy.

Veterınarııa basqarmasyndaǵylar qus tumaýymen kúreste atqarylǵan jumys jaıynda esep berip, zardap shekken turǵyndarǵa ótemaqy tólenetinin aıtty.


Joǵary qaraı