Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da qus tumaýy tabylǵan aýyldaǵy epızootııalyq jaǵdaı AShM baqylaýynda

2021 jyldyń 28 qyrkúıek 2021 19:53

LEBıAJЬE. QazAqparat - QR AShM Veterınarlyq baqylaý jáne qadaǵalaý komıteti tóraǵasynyń mindetin atqarýshy Baýyrjan Abyzbaev bastaǵan respýblıkalyq komıssııa Soltústik Qazaqstan oblysy Maǵjan Jumabaev aýdany Lebıaje aýylyna baryp, qus tumaýynyń taralýyna jol bermeý maqsatynda jasalyp jatqan keshendi sharalardyń barysyn tekserdi. Bul jaıynda mınıstrliktiń baspasóz qyzmetine silteme jasap QazAqparat habarlaıdy.

Komıssııa tarapynan epızootııalyq jaǵdaı zerdelenip, sý aıdynyna monıtorıng júrgizildi, aýrýdy joıý aýqymy anyqtalyp, halyq arasynda túsindirý jumystary júrgizildi.

Infektsııa oshaǵyn der kezinde jáne jedel oqshaýlaý jáne joıý úshin eldi mekenniń perımetri boıynsha jerlerdi jyrtý jumystary júrgizildi, kiretin jáne shyǵatyn avtokólikterdi dezınfektsııalaý úshin dezbarer ornatyldy.

Epızootııalyq tizbekti úzý maqsatynda oshaqtaǵy qustardyń barlyq basyn joıý týraly sheshim qabyldandy.

Búkil alynǵan jáne joıylǵan qustyń ıelerine ótemaqy tolyq kólemde tólenedi.

Reseı Federatsııasymen shekaralas aýmaqtarda janýarlardy vaktsınatsııalaý úshin joǵary patogendi qus tumaýyna qarsy 112,2 myń doza otandyq preparattar bólinedi.

Epızootııalyq jaǵdaı turaqty baqylaýda.

Infektsııanyń oblystyń basqa eldi mekenderine taralýyna jol bermeý maqsatynda vaktsınatsııa júrgizý jáne tiri qus pen qus sharýashylyǵy ónimderiniń qozǵalysyna baqylaý ornatý sharalary qabyldanǵan.

Esterińizge salaıyq, 27 qyrkúıek kúni SQO M.Jumabaev aýdanyndaǵy Lebıaje eldi mekeni qus tumaýynyń tirkelýine baılanysty karantınge jabylǵan edi.

Bul aýylda myńnan astam úı qusy qyrylyp qaldy.

Keıinnen qus tumaýy tabylǵan aýylda búkil qustyń kózi joıylatyny belgili boldy.


Joǵary qaraı