Aýa raıy
Astana 0 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da qyrkúıektiń basynan 20 oqýshy koronavırýs juqtyrǵan

2020 jyldyń 25 qyrkúıek 2020 20:36

PETROPAVL. QazAqparat – Soltústik Qazaqstan oblysynda qyrkúıektiń basynan 20 oqýshy koronavırýs juqtyrsa, búgin bir balabaqsha tárbıelenýshisinde ınfektsııa rastaldy, dep habarlaıdy QazAqparat tilshisi.

SQO Taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Tatıana Gorlovanyń aıtýynsha, qyrkúıek aıynan bastap oqýshylar arasynda koronavırýs juqtyrýdyń 20 jaǵdaıy tirkeldi. Olardyń 7-eýi shtattyq rejımde bilim alǵandar, qalǵandary qashyqtan oqyp júrip juqtyrǵan.

«13 balada ınfektsııa josparly túrde epıdemıologııalyq tekserý barysynda, ıaǵnı olardy statsıonarǵa jatqyzý aldynda anyqtalǵan. Bul oqýshylar aýyrǵandarmen baılanysta bolǵan. Solardyń beseýi – otbasynda juqtyrǵan.

Al shtattyq rejımde bilim alǵan 7 oqýshy oblystyń 5 mektebinde oqyǵan. ıAǵnı tórt mektepte bir-bir jaǵdaıdan tirkelse, bireýinde úsh bala juqtyrǵan. Sonyń ishinde eki bala bir synypta bilim alǵan», - deıdi Tatıana Gorlova.

Qazirgi ýaqytta óńirde Petropavldaǵy «BEST» gımnazııasynyń bir oqýshysy ǵana karantınde. Bala 1-synypta oqıdy. Anasynan juqtyrǵany anyqtaldy. Ol da 28 qyrkúıek kúni synyptastaryna qosylady.

«Ýálıhanov aýdanyndaǵy Kishkenekól aýylyndaǵy mektepte bir oqýshy aýyrǵan. Mektepten 12 qyrkúıekten bastap karantın alyndy. Petropavldaǵy №10 mekteptiń oqýshysy jedel respıratorlyq vırýstyq ınfektsııa boıynsha qaralyp, koronavırýsty juqtyrǵany anyqtalǵan edi. Bul mektep sabaqtarǵa 18 qyrkúıekten bastap qaıta kiristi. №44-shi orta mektepte bir bala juqtyryp, 14 qyrkúıekte karantın alyndy. Al 3 jaǵdaı Daryn mektebinde tirkelgen. Osy jeti jaǵdaı boıynsha balalarmen baılanysta bolǵan 109 adam tekserildi, olarda koronavırýs anyqtalmady», - deıdi departament basshysynyń orynbasary.

Balalardyń basym bóliginde qaýipti ınfektsııanyń sımptomdary bolmaǵan.

«Qyzyljar aýdany Beskól aýylyndaǵy balabaqshalardyń biriniń tárbıelenýshisi 18 qyrkúıekten bastap mekemege barmaǵan. Ol balada tek murnynan sý aqqan, basqa belgileri bolmaǵan. Búgin saraptama qorytyndysy kelip, búldirshinniń koronavırýsty juqtyrǵany rastaldy», - deıdi sanıtarlyq dáriger.


Joǵary qaraı