Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da qyrmannan 40 tonna jasymyq urlanǵan, shyǵyn - 11 mln teńge

2021 jyldyń 16 qyrkúıek 2021 15:52

PETROPAVL. QazAqparat – Soltústik Qazaqstan oblysynda polıtseıler «Astyq» jedel-profılaktıkalyq is-sharasy aıasynda qyrman basynda jasalǵan urlyqty ashty, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, Taıynsha aýdanynyń polıtsııa bólimi qyzmetkerleri «Astyq» jedel-profılaktıkalyq is-sharasy barysynda Mnogotsvetnoe eldi mekenindegi qyrmannan jasymyq urlady degen kúdikpen aýdan ortalyǵy Taıynshanyń turǵyndaryn ustady. Aýyl turǵyndary osyndaı birneshe urlyqqa qatysty bolýy múmkin.

Birer kún buryn aýdan ortalyǵy Taıynshadan 15 shaqyrym qashyqtyqta ornalasqan Mnogotsvetnoe aýyly mańyndaǵy kásiporyndardyń birinen jumysshylar 4 tonna jasymyqtyń urlanǵanyn baıqaǵan. Bul fakti týraly polıtseılerge habarlanady.

Taıynsha aýdany polıtsııa bólimi bastyǵy Nurlyjan Aqtanovtyń sózinshe, urlyq qyrkúıek boıy jasalyp kelgen. Jedel-izdestirý is-sharalary nátıjesinde kúdiktiler anyqtalyp, ustaldy. Olar osy tokta jumys isteıtin Taıynshanyń eki turǵyny bolyp shyqty. Urlanǵan jasymyqtyń jalpy salmaǵy 40 tonna, shyǵyn somasy 11 mln teńge shamasynda.

Jasymyqty qyrmannan shyǵarýǵa bes tehnıka - 2 KamAZ, 2 ZIL jáne júk tıegish paıdalanylǵan. Qazirgi ýaqytta tehnıkany júrgizgen eki jumysshynyń qylmysqa qatystylyǵy tekserilip jatyr. Urlanǵan ónim osy aýdandaǵy aýyldardyń birine ótkizilip otyrǵan. Jasymyqtyń bir bóligi alyndy.

Atalǵan fakti sotqa deıingi tergep-tekserýlerdiń biryńǵaı tizilimine engizildi. Ustalǵandardyń ekeýi ýaqytsha ustaý ızolıatoryna qamaldy. Tergeý amaldary júrgizilip jatyr.


Joǵary qaraı