Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da qyzmettik úımen biriktirilgen jańa ýchaskelik polıtsııa pýnkti paıdalanýǵa berildi

2021 jyldyń 20 maýsym 2021 06:00

PETROPAVL. QazAqparat – Soltústik Qazaqstan oblysynda qyzmettik úımen biriktirilgen jańa ýchaskelik polıtsııa pýnktiniń saltanatty ashylýy ótti, - dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, Mamlıýt aýdanynyń Novomıhaılovka aýylynda ýchaskelik polıtsııa ınspektoryna turýyna jáne jumys isteýine arnalǵan ǵımarat salynyp, paıdalanýǵa berildi. Nysannyń qurylysy memlekettik-jekeshelik áriptestik aıasynda ótken jyldyń jeltoqsan aıynda bastaldy. Jalpy aýmaǵy 100 sharshy metrden astam. Ýchaskege irgeles aýmaq abattandyrylǵan, aýlasy bar.

«Prezıdent óz Joldaýynda «Jurtqa jaqyn polıtsııa» qaǵıdaty boıynsha jumys isteý mindetin qoıdy. Munda ýchaskelik polıtsııa ınspektorynyń róli erekshe. Búgin paıdalanýǵa berilip otyrǵan nysan tártip saqshysynyń barynsha nátıjeli jumys isteýine, adamdardyń shaǵym-aryzdaryna jyldam áreket etýge yqpal etedi. Ýchaskelik polıtsııa ınspektory halyqqa qoljetimdi bolady. Halyqpen jańa formatta jumys isteý oblystyń basqa aýdandarynda da júzege asyrylady», - dedi SQO PD bastyǵy Marat Tólebaev.

Ǵımaratty saltanatty túrde ashý rásimine oblys ákiminiń orynbasary Ǵanı Nyǵymetov qatysty. Ol aýyldyq ýchaskelik polıtsııa ınspektorlarynyń jańa jumys formatymen tanysty. Polıtsııanyń tirek pýnktine jergilikti mektepte jáne Novomıhaılovka aýylynda ornatylǵan 22 beınebaqylaý kameralary qosylǵan.

Novomıhaılovka aýyldyq okrýginiń ýchaskelik polıtsııa ınspektory Oljas Shaıahmetovtiń aıtýynsha, onyń ákimshilik ýchaskesinde 6 eldi meken bar, onda 2 myńnan astam adam turady. Jedel áreket etýge, sondaı-aq ashyq bolýyna basqa da zamanaýı resýrstar áser etedi. Polıtseı beınejeton, planshetpen qamtylǵan. Endi jańa «Chevrolet Cobalt» qyzmettik avtokóligimen júrmek.

Saltanatty is-shara sońynda oblystyq polıtsııa vedomstvosynyń basshysy quqyqtyq tártipti qamtamasyz etkeni úshin aýdan basshylyǵyna jáne jurtshylyqqa alǵysyn bildirdi.

Joǵary qaraı