Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da medıtsına mekemeleriniń jumysyna qatysty aryz-shaǵym 2 ese ósken

2021 jyldyń 10 qarasha 2021 21:18

PETROPAVL. QazAqparat – Bıyl Soltústik Qazaqstan oblysynda medıtsınalyq uıymdardyń jumysyna turǵyndardan 180 shaǵym túsken. Bul ótken jylmen salystyrǵanda 78 jaǵdaıǵa, ıaǵnı 56,6 % artyq, dep habarlaıdy QazAqparat tilshisi.

Medıtsınalyq qyzmetterdiń sapasyn arttyrýda ótken jyldan bastap 2020 jyldan bastap klıenttermen ózara qarym-qatynasty basqarýdyń aqparattyq júıesi ázirlendi.

Onda 1406 Call-ortalyǵyna, Qoldau-24/7 mobıldi qosymshasyna, QR Densaýlyq saqtaý mınıstrliginiń resmı saıtyna kelip túsken shaǵymdar tirkeledi.

SQO-da 9 aı ishinde medıtsınalyq uıymdarynyń jumysyna 180 shaǵym tústi, bul ótken jyldyń esepti kezeńimen salystyrǵanda 78 jaǵdaıǵa artyq.

«Shaǵymdardyń basym bóligi - 98-i Call-ortalyqqa 1406 nómiri arqyly túsken. 66 shaǵym - Qoldau-24/7 mobıldi qosymshasy arqyly, 11 shaǵym Qor saıtyna, 8 shaǵym QR DSM saıty arqyly jáne 3 shaǵym QR Densaýlyq saqtaý mınıstriniń blogyna kelip tústi. Turǵyndardyń negizinen emhanalardyń jumysyna kóńilderi tolmaıdy. Mundaı shaǵymdardyń sany 2,5 ese ósken. Al mazmunyna keletin bolsaq, 107 shaǵym nemese 60 %-y óreskel qarym-qatynas, shaqyrýdan bas tartý, tirkeýge qatysty, 31 shaǵym nemese 17 %-y emhanalarda tar mamandardyń konsýltatsııalaryn uzaq kútý merzimine, KT jáne MRT-ǵa kezekke, 24-i nemese 13 %-y ýchaskelik qyzmettiń qabyldanýyn uzaq kútý, jedel medıtsınalyq kómektiń kelýden bas tartýy, medıtsınalyq uıymǵa qońyraý shalý, medıtsınalyq etıka men deontologııany buzý, mobıldik brıgada qyzmetteriniń qol jetimsizdigi men sapasyna jáne 16 shaǵym nemese 10 %-y ambýlatorııalyq deńgeıde dárilik preparattarmen qamtamasyz etýden bas tartýǵa qatysty. Eki jaǵdaıda alǵys aıtý úshin turǵynar habarlasqan», - deıdi «Áleýmettik medıtsınalyq saqtandyrý qory» KEAQ bóliminiń basshysy Qarlyǵash Іlııasova.

Barlyq kelip túsken shaǵymdar men ótinishter merziminde qaralyp, onyń ishinde 2 shaǵym boıynsha fılıal medıtsınalyq qyzmetterdiń sapasyn tekserýge bastamashylyq etti.

Nátıjesinde densaýlyq saqtaý salasyndaǵy zańnama talaptaryn buzýshylyqtar anyqtaldy. 14 olqylyq boıynsha medıtsınalyq uıymǵa ekonomıkalyq sharalar qabyldandy.

«Áleýmettik medıtsınalyq saqtandyrý qory patsıentterdiń quqyqtary jónindegi ombýdsmen retinde qazaqstandyqtardy másele týyndaǵan jaǵdaıda habarlasyp, medıtsınalyq kómek alý boıynsha quqyqtaryn qorǵaýǵa shaqyrady. Eger aqyly negizde qyzmet kórsetilip, dári-dármekterdi satyp alý usynylsa - habarlasýdy suraımyz», - deıdi Qarlyǵash Іlııasova.


Joǵary qaraı