Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da muǵalimderdiń 96 paıyzy vaktsına aldy

2021 jyldyń 2 tamyz 2021 11:09

PETROPAVL. QazAqparat – Soltústik Qazaqstan oblysynda jańa oqý jylyna daıyndyq barysynda 75,5 mln teńgege jetkilikti kólemde dezınfektsııalaý quraldary satyp alyndy, dep habarlaıdy QazAqparat tilshisi.

SQO bilim basqarmasy baspasóz qyzmetiniń málimetinshe, oqý protsesi sanıtarııalyq-epıdemıologııalyq normalardy qatań saqtaı otyryp uıymdastyrylady. Mektepterde dezınfektsııanyń 4 satyly súzgisi, jeldetý, kvartstaý, ylǵaldy jınaý rejımi kúsheıtiledi.

Baılanystardy azaıtý úshin aýysymdar uıymdastyrylady, ár synyp óz kabınetinde oqıdy, úzilis ár túrli ýaqytta bolady.

Oqýshylar men pedagogtar arasynda koronavırýs ınfektsııasynyń aldyn alý maqsatynda qazir oblystyń bilim berý uıymdarynda pedagogtar men tehpersonaldy vaktsınatsııalaý júrgizilip jatyr. Búginde pedagogtardyń 95,7 %-y jáne tehpersonaldyń 95,5 %-y ekpe aldy.

Oqýshy nemese muǵalim syrqattanǵan jaǵdaıda synyp qashyqtan oqytýǵa aýystyrylady.

Jalpy bıyl jańa oqý jylynda óńir mektepteri 73 523 oqýshyny qabyldamaq, onyń ishinde 8 053-i - birinshi synyp oqýshysy.

1 qyrkúıekten bastap barlyq mektep dástúrli formatta jumysyn bastamaq. Osyǵan baılanysty bilim basqarmasy bilim berý mekemelerin jańa oqý jylyna daıyndaý boıynsha keshendi jospar qurdy.

Sabaq bastalar aldynda, tamyz aıynyń ishinde bilim berý mekemelerinde bolashaq birinshi synyp oqýshylary úshin «Búldirshin mektebi», sondaı-aq 2-11 synyp oqýshylary úshin bilimdegi olqylyqtardyń ornyn toltyrý boıynsha jazǵy mektep jumys istemek.



Joǵary qaraı