Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da múgedekterge arnalǵan alǵashqy «TenQogam»  mobıldi qosymshasy  tanystyryldy

2021 jyldyń 3 jeltoqsan 2021 09:57

PETROPAVL. QazAqparat – Soltústik Qazaqstan oblysynda múmkindigi shekteýli jandarǵa arnalǵan «TenQogam» mobıldi qosymshasynyń tusaýkeseri ótti, dep habarlaıdy QazAqparat tilshisi.

Qazaqstandyq «TenQogam» mobıldi qosymshasynyń kómegimen múmkindigi shekteýli jandar ózderine usynylǵan jeńildikter, áleýmettik qyzmetter, zańdaǵy ózgeris jaıynda bilip, keńes ala alady. Munda «keri baılanys» qyzmeti de bar. Veb-dızaın, tigin isi boıynsha kýrstardan ótýge, onlaın-trenıngterge qatysýǵa bolady. Sondaı-aq, qońyraý shalý arqyly ınvataksı shaqyryp, dári-dármek jetkizýge jáne azyq-túlik ónimderine tapsyrys berýge múmkindik bar. Jumyspen qamtý, múgedekter quqyǵy syndy onlaın servıster, jeke bıznesti bastaý jáne ony tirkeý syndy qyzmet túrleri de qarastyrylǵan.




«TenQogam» mobıldik qosymshasynyń avtory - «ARDOS-Júrek» múgedekter birlestigi ZTB dırektory Aqjan Kárim. Onyń aıtýynsha, mundaı qosymsha ázirge bolǵan emes. Suranys burynnan bolǵanymen, ony iske qosýdyń sáti endi týdy.

«Іndet múgedektigi bar adamdardy múldem shektep tastady. Bul portal barlyq sanattaǵy adamdar men olardyń jaqyndary úshin paıdaly. Ol qazaq jáne orys tilderinde bolady, sondaı-aq, zaǵıp adamdarǵa arnalǵan nusqany da ázirlep jatyrmyz. Óıtkeni, bul topqa jatatyn adamdarǵa arnalǵan qosymshalar óte az. Ony kompıýter arqyly paıdalaný úshin de qosymsha saıt iske qosylady. Pılottyq joba ázirge tek SQO-da ǵana jumys isteıdi. Ony App Store jáne Play marketterinen júktep alýǵa bolady. Bolashaqta ony barlyq qazaqstandyqtar úshin qoljetimdi etýdi josparlap otyrmyz», - deıdi Aqjan Kárim.




SQO-da 26 myńnan astam múmkindigi shekteýli adam turady. Joba «Shevron» kompanııasymen jáne Ortalyq Azııanyń Eýrazııa Qorynyń qoldaýymen júzege asyryldy. Qosymshanyń tanystyrylymyna Qozybaev ýnıversıtetiniń stýdentterin men óńir belsendileri qatysty. Óıtkeni qazirgi ýaqytta joǵary oqý ornynda 50-ge jýyq múmkindigi shekteýli jas bilim alyp jatyr. Bolashaqta qosymsha avtorlary stýdentterdi jobany jetildirýge tartýdy josparlap otyr.





Joǵary qaraı