Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da oqýshylar koronavırýs juqtyryp, 60 synyp onlaın oqýǵa kóshti

2021 jyldyń 14 qyrkúıek 2021 13:24

NUR-SULTAN. QazAqparat – Oqý jyly bastalǵaly SQO mektepterinde 129 koronavırýs jaǵdaıy tirkeldi. Osyǵan baılanysty 60 synyp qashyqtan oqýǵa jiberildi. Bul týraly atalǵan oblys ákiminiń orynbasary Asqar Saqypkereev málim etti, dep habarlaıdy QazAqparat tilshisi.

«Oqý jyly bastalǵaly 129 koronavırýs jaǵdaıy anyqtaldy. Osy oraıda oblys boıynsha 60 synyp qashyqtan oqýǵa jiberildi. Biraq mektepter karantınge jabylǵan joq. Koronavırýs juqtyrǵan jáne olarmen baılanys jasaǵan barlyq adamdar karantınge jiberildi», - dedi SQO ákiminiń orynbasary Asqar Saqypkereev OKQ-de ótken baspasóz máslıhatynda.

Sondaı-aq, jıynda aımaq boıynsha balalar arasyndaǵy koronavırýs indetiniń búgingi jaǵdaıy aıtyldy.

«Bizdiń oblysta koronavırýs juqtyrǵan balalar arasynda bir ólim jaǵdaıy tirkeldi. Ol - 2 jasar bala. Keıin anyqtalǵandaı bala COVID-19-dyń delta shtamymen aýyrǵan. Jalpy osy kúnge deıin SQO-da 1456 bala atalǵan indetke shaldyqty. Onyń ishinde 1263 bala tolyq em alyp shyqty jáne 193 bala áli de mamandardyń baqylaýynda. Sol sııaqty 177 bala ambýlatorlyq jaǵdaıda jáne 16 bala statsıonarda emdelip jatyr», - dedi SQO densaýlyq saqtaý basqarmasynyń basshysy Qabdyrahman Saqtaǵanov.


Joǵary qaraı