Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da on kúnde bes egiz dúnıege keldi

2022 jyldyń 13 qańtar 2022 16:41

PETROPAVL. QazAqparat – Soltústik Qazaqstan oblysynda sońǵy on kúnde bes egiz bala dúnıe esigin ashty, dep habarlaıdy QazAqparat tilshisi.

SQO densaýlyq saqtaý basqarmasy baspasóz qyzmetiniń málimetinshe, búgin oblystyq perınataldyq ortalyqta egiz bala dúnıege keldi. Merziminen buryn týǵanymen shaqalaqtardyń da, anasynyń da jaǵdaılary jaqsy.

Jalpy bıyl 4 qańtardan bastap oblysta osymen besinshi egiz dúnıege kelip otyr. Qalǵan jaǵdaılarda júkti kelinshekter aıy-kúni jetip, ómirge deni saý nárestelerin ákeldi.

«Bala týý kórsetkishi tómen óńirlerdiń biri sanalatyn bizdiń oblys úshin bul – qýanyshty jaǵdaı. Demografııamyz jaqsarady. 2020 jyly ómirge 68 egiz, 1 úshem kelgen. Byltyr 58 egiz jáne bir úshem týdy. Bıyl búginge deıin 143 sábı dúnıe esigin ashsa, sonyń ony egizder. Analardyń da, balalarynyń da jaǵdaılary jaqsy, aldy úılerine shyǵaryldy», - deıdi SQO densaýlyq saqtaý basqarmasynyń baspasóz hatshysy Gúlnar Qalıeva.

Buǵan deıin SQO-da prezıdenttik «Ańsaǵan sábı» baǵdarlamasymen tuńǵysh sábıdiń dúnıege kelgenin aıtqan edik. Nárestege ata-anasy ıAsmın esimin berdi.



Joǵary qaraı