Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da órtten 83 jastaǵy zeınetker qaza tapty

2021 jyldyń 12 qazan 2021 17:57

PETROPAVL. QazAqparat – Soltústik Qazaqstan oblysynda Novonıkolsk eldi mekeniniń 83 jastaǵy turǵyny órtten qaza tapty, dep habarlaıdy QazAqparat tilshisi.

SQO Qyzyljar aýdandyq tótenshe jaǵdaılar bóliminiń málimetinshe, ótken aptada saǵat 18.00 shamasynda Novonıkolskoe eldi mekenindegi jeke turǵyn úılerdiń birinen órt shyqty. Órt sóndirýshiler jetkenshe úıdiń shatyry men kire berisi jalynǵa oranyp úlgeripti. Jergilikti sharýashylyqtyń órt sóndirý posty, erikti órt sóndirý qurylymy mamandardy kútpeı, iske kirisip ketken eken.

Órt sóndirýshiler oqıǵa ornynan úı ıesi – 1938 jyly týǵan er adamnyń denesin alyp shyqty.

«Úıdiń shatyry janyp ketti. Jalpy jalyn sharpyǵan aýmaq 21 sharshy metr. Órt peshtiń murjasynan shyqqan. Ol qyzyp, arty órtke ulasqan. Kórshileriniń aıtýynsha, er adam bıyl jazda peshin jóndetip, aýystyrǵan eken. Zeınetker jalǵyz turǵan. Al bir kún buryn kórshi aýdanda turatyn balalary kelip, bári onyń týǵan kúnin toılaǵan», - deıdi Qyzyljar aýdandyq tótenshe jaǵdaılar bóliminiń bastyǵy Aslan Ahmetjanov.

Jalpy Qyzyljar aýdanynda bıyl 71 órt tirkelgen. Onyń 68%-i jeke sektorda bolǵan, saldarynan 4 adam qaza taýyp, 3 turǵyn túrli jaraqat aldy.


Joǵary qaraı