Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da ótken táýlikte 47 bala koronavırýs juqtyrdy

2022 jyldyń 25 qańtar 2022 14:45

PETROPAVL. QazAqparat – Soltústik Qazaqstan oblysynda ótken táýlikte koronavırýs juqtyrǵan 263 adam anyqtalsa, sonyń 47-si - bala, dep habarlaıdy QazAqparat tilshisi.

SQO densaýlyq saqtaý basqarmasynyń málimetinshe, óńirde koronavırýs juqtyrǵandar sany ósip jatyr. 23 qańtar kúni KVI 178 adamda tirkelse, ótken táýlikte 263 turǵynnyń aýyrǵany anyqtaldy. Juqtyrǵandardyń ishinde balalar men júkti áıelderdiń úlesi basym. COVID-19-ben bir kúnde jańadan 47 bala aýyryp, dárigerlerdiń baqylaýyndaǵy olardyń sany 469-ǵa jetti. Sonyń ishinde 35-i statsıonarda em alyp jatyr.

Al ótken táýlikte júkti kelinshekterdiń 30-y aýyryp, koronavırýs juqtyrǵany rastaldy. Qazir 177 áıeldiń 51-i ınfektsııalyq statsıonarlarǵa jatqyzylsa, 126-sy úılerinde em alýda.

Jalpy qazir SQO-da emdeý mekemeleri 23 %-ǵa júktelgen, 308 naýqas bar. 23 adam jansaqtaý bólimshelerinde jatyr.

Buǵan deıin SQO-da 23 adamnyń nashar halde jatqanyn, 460 adamnyń qaýipti ınfektsııadan qaıtys bolǵanyn aıtqan edik. Ótken táýlikte taǵy bir syrqat kóz jumdy.


Joǵary qaraı