Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da pestıtsıd saqtaý talabyn buzǵandarǵa 7,5 mln teńge aıyppul salynǵan

2022 jyldyń 11 mamyr 2022 05:05

PETROPAVL. QazAqparat – Soltústik Qazaqstan oblysynda byltyr pestıtsıdter men mıneraldy tyńaıtqyshtar saqtaıtyn qoımalarǵa 16 tekserý júrgizilip, talapty buzǵandarǵa 7,5 mln teńgeniń aıyppuly salyndy, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, óńirde pestıtsıdter men mıneraldy tyńaıtqyshtardy ýaqytsha saqtaýǵa arnalǵan 36 qoıma bar.

Olar memlekettik sanıtarııalyq-epıdemıologııalyq qadaǵalaý organdarynyń baqylaýyna alynǵan.

Jalpy byltyr sharýashylyqtar el aýmaǵynda ruqsat etilgen 300-den astam ýly hımıkattardy qoldanǵan.

Bıyl oblysta pestıtsıdterdi saqtaý qoımalaryna 16 tekserý josparlanǵan.

Byltyr da 16 tekserý júrgizilgen, jalpy somasy shamamen 7,5 mln teńgege 8 hattama toltyryldy. Zańbuzýshylyqtardy joıýǵa 8 uıǵarym berildi.

«Ýly hımıkattardy qoldanǵanda, maýsymdyq ýlaý jumystaryn júrgizý kezinde qorshaǵan ortaǵa jáne turǵyndarǵa qater tóndiretin jaǵdaı týyndaýy múmkin. Pestıtsıdtermen ýlanýdy boldyrmaý úshin sanıtarııalyq-gıgıenalyq normalardy, qaýipsizdik erejelerin saqtaý kerek. Ýly hımıkattarmen jasalatyn barlyq jumystarǵa 18 jasqa tolǵan, medıtsınalyq tekserýden ótken jáne osy jumystarǵa ruqsat berilgen adamdar jiberiledi. Bala emizetin jáne júkti áıelderdi, jasóspirimderdi jáne jazylmaǵan jaralary bar adamdardy mundaı jumystarǵa jiberýge tyıym salynady. Sharýashylyq basshylary jumys isteıtinderdiń barlyǵyn arnaıy kıimmen, respıratormen, qorǵanysh kózildirikpen qamtamasyz etýge tıis. Ár qyzmetkerge jeke qorǵanys quraldarynyń jıyntyǵy beriledi, olardy qaıta-qaıta zalalsyzdandyryp otyrý kerek. Ýmen jumys isteý kezinde temeki shegýge, tamaq ishýge tyıym salynady. Jumys aıaqtalǵannan keıin jumysshylar qoldaryn, qulaǵyn, moınyn muqııat jýyp, aýzyn shaıý kerek. Paıdalanylmaǵan ýlardyń qaldyqtaryn qoımaǵa tapsyrý qajet», - deıdi ónerkásip, radıatsııalyq qaýipti obektilerindegi baqylaý jáne qadaǵalaý bóliminiń bas mamany Galına Statsıýk.

Byltyr óńirde pestıtsıdten ýlaný jaǵdaılary tirkelmegen.

«Ýlanǵan jaǵdaıda adamda júrek aıný, qusý, bastyń aýyrýy, álsizdik, bas aınalý, qoldar men aıaqtardyń sýyq bolýy, kórý fýnktsııasynyń buzylýy sııaqty belgiler paıda bolady. Eger ýlanǵan janǵa der kezinde kómek kórsetilmese, onda birneshe saǵattan keıin ishki aǵzalardyń jumysy buzylady: baýyr, búırek zardap shegedi, ókpe isinip, júrek jumysy buzylýy múmkin. Sondyqtan ýly hımıkattarmen ýlaný belgileri bolǵan jaǵdaıda zardap shegýshige qysqa merzimde kómek kórsetilýi kerek. Jedel járdem shaqyrý qajet. Eger zardap shekken adam esinen tanyp qalsa, onyń esin jıdyrtý kerek. Eger pestıtsıd asqazanǵa tússe, onda asqazandy shaıyp, zardap shegýshige sorbentter beriledi», - deıdi Galına Statsıýk.

Joǵary qaraı