Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da polıtseıler aýyl turǵynynan 1958 jyly shyǵarylǵan myltyq tárkiledi

2021 jyldyń 16 sáýir 2021 20:15

PETROPAVL. QazAqparat – Soltústik Qazaqstan oblysynda tártip saqshylary aýyl turǵynynan 1958 jyly shyǵarylǵan oıyq uńǵyly «Belka» myltyǵyn tárkiledi, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, Mamlıýt aýdanynyń polıtsııa bólimi qyzmetkerleri tekseris barysynda 44 jastaǵy aýyl turǵynynan zańsyz saqtalǵan myltyqty taýyp, tárkiledi. Oıyq uńǵyly «Belka» myltyǵy 1958 jyly shyǵarylǵan. Er adam ony ormannan taýyp alǵanyn aıtqan.

Atalǵan fakti QR Qylmystyq kodeksiniń «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» baby boıynsha Sotqa deıingi tergep-tekserýlerdiń biryńǵaı tizilimine engizildi. Qarý saraptamaǵa jiberildi.

Er adamǵa qarýdy zańsyz saqtaǵany úshin iri mólsherde aıyppul salynbaq nemese 5 jylǵa deıin bas bostandyǵyn shekteý nemese sol merzimge bas bostandyǵynan aıyrý jazasy qoldanylýy múmkin.

«Qylmystyq jaýapkershilikke tartylmaý úshin, taýyp alǵan qarýdy keshiktirmeı jaqyn mańdaǵy polıtsııa bólimshesine tapsyrýy kerek edi. Qarýdy erikti túrde tapsyrǵandarǵa qylmystyq jáne ákimshilik zańnama qolanylmaıdy. 20 sáýirden oblysta zańsyz saqtalǵan atys qarýdy, travmatıkalyq qarý men oq-dárilerdi erikti-aqyly tapsyrý jónindegi aktsııa bastalady. Aktsııanyń maqsaty — qarýly qylmystyń aldyn alý», - deıdi SQO PD bastyǵynyń orynbasary Rýslan Nazarov.

Tapsyrylǵan qarý tıisti tekseristen ótip, komıssııamen baǵalanady. Tólem somasy onyń jaǵdaıy men atýǵa jaramdylyǵyna baılanysty bolady. Tájirıbe kórsetip otyrǵandaı, soltústikqazaqstandyqtardyń deni tirkelmegen ańshy qarýyn tapsyrady. Mundaı myltyqqa tólem – 30 AEK nemese 61 myń teńge.

SQO-da aktsııany ótkizýge 1,5 mln teńge bólindi. Polıtseılerdiń aıtýynsha, bul aktsııa sońǵy ret ótkizilip jatyr. Kelesi jylǵa zańsyz saqtalǵan qarýdy satyp alýǵa qarajat qarastyrylmaǵanyn.


Joǵary qaraı