Aýa raıy
Astana 17 °S
Almaty 17 °S
valıýta baǵamy
USD 412.55
EUR 468.66
RUB 5.79
CNY 58.80

SQO-da polıtseılerge jańa 35 kólik berildi

2020 jyldyń 9 shilde 2020 21:27

PETROPAVL. QazAqparat – Soltústik Qazaqstan oblysy Polıtsııa departamentiniń bólinisterine búgin jańa 35 qyzmettik kólik berildi, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, Petropavlda jáne qala syrtyndaǵy joldarda qoǵamdyq tártipti qamtamasyz etetin patrýldik polıtsııa endi «Lada Vesta» kóligimen qyzmet atqarady. Kún saıyn patrýldik polıtsııanyń 30-dan astam ekıpajy kezekshilikke túsedi. Tártip saqshylary negizinen «Nıva» jáne «Lada granta» avtokólikterin minetin, endi olardyń bir bóligi shalǵaıdaǵy eldi mekenderde quqyqtyq tártipti qamtamasyz etýge jiberiledi.




Jyl basynan patrýldik polıtsııa qyzmetkerleri 700-den astam qylmysty ashty. Sondaı-aq, polıtseıler jol ústinde qıyndyqqa ushyraǵan kólik júrgizýshilerine árdaıym járdemdesedi.

Osyndaı oqıǵalardyń biri jaqynda M. Jumabaev aýdanynda boldy. Aýyl turǵynynyń kóligi jolda isten shyqqan. Ol aýyr haldegi naýqas týysyn oblys ortalyǵyndaǵy aýrýhanaǵa apara jatyr eken. Polıtsııa qyzmetkerleri patrýldik mashınamen er adamdy emdeý mekemesine jetkizdi.




«Qazirgi pandemııa jaǵdaıynda qoǵamdyq tártipti saqtaýda jáne birinshi kezekte azamattarǵa kómek kórsetýde polıtseılerdiń jumysy tıimdi bolýy úshin materıaldyq-tehnıkalyq nyǵaıtý óte mańyzdy. Karatın kezinde tártip saqshylarynyń azamattardyń qaýipsizdigi men densaýlyǵyn qamtamasyz etýge baǵyttalǵan mindetteri arta tústi», - dep atap ótti SQO PD bastyǵy Marat Tólebaev.




Qyzmettik avtokólikter ózen-kólderde, jol apattarynda jáne tótenshe oqıǵalar kezinde adamdarǵa kómek kórsetýge qajetti qutqarý quraldarymen jaraqtandyrylǵan. Jańa kólikterdiń bir bóligi búgin avtoparki sońǵy birneshe jyl boıy jańartylmaǵan aýdandarǵa jol tartady.

Mamandardyń aıtýynsha, polıtseılerge berilgen bul kólikter Soltústik Qazaqstan oblysynyń áleýmettik-ekonomıkalyq damýynyń 2018-2021 jyldarǵa arnalǵan keshendi josparyn iske asyrý aıasynda alyndy.

















Joǵary qaraı