Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da prokýrorlar 600-ge jýyq tarıhı-mádenı eskertkishti tekserdi

2021 jyldyń 18 tamyz 2021 19:31

PETROPAVL. QazAqparat – Soltústik Qazaqstan oblysynda bıyl SQO tarıhı-mádenı muralardy qorǵaý men qoldaný ortalyǵy prokýrorlarmen birge óńirdegi 600-ge jýyq tarıhı-mádenı eskertkishke monıtorıng júrgizdi, dep habarlaıdy QazAqparat tilshisi.

SQO tarıhı-mádenı muralardy qorǵaý men qoldaný ortalyǵynyń málimetinshe, óńirde qazirgi ýaqytta 600-ge jýyq tarıhı-mádenı eskertkish bar. Onyń segiziniń respýblıkalyq mańyzy bar. Bıyl olardyń ekeýinde kúrdeli jóndeý júrgizilip jatyr.

«Qazirgi ýaqytta Aıyrtaý aýdanyndaǵy Syrymbet qonysynda qalpyna keltirý jumystary júrgizilip jatyr. Bıyl qorshaýy aýystyrylady jáne negizgi úı men medrese kúrdeli jóndeledi. Qyrkúıek aıynda jumystar aıaqtalady.

Petropavldaǵy Brýsılovskıı kóshesindegi 22-úıde ornalasqan kóne saýda ǵımaratyn kásipker óz qarjysyna kúrdeli jóndeý júrgizip jatyr. Halyq arasynda «Kolızeı» degen atpen tanymal kóne ǵımarat bıyl jeltoqsanda paıdalanýǵa beriledi. Aldymen birinshi qabaty iske qosylady», - deıdi SQO tarıhı-mádenı muralardy qorǵaý men qoldaný ortalyǵynyń dırektory Rahat Mámbetalınov.

Sondaı-aq Petropavldaǵy Kolhoz bazarynda ornalasqan Muratov dıirmeni de jańa kelbetke ıe bolady. Mundaǵy jumystar kelesi jyly aıaqtalmaq. Bıyl tıisti qujattaryn ázirlep, syrtqy qasbetimen aınalysyp jatyr.

«SQO prokýratýrasymen birge biz tarıhı-mádenı murany saqtaýǵa arnalǵan keshendi jospar ázirledik. Osyǵan oraı búginde vedomstvo mamandarymen eskertkishterge monıtorıng júrgizip jatyrmyz. Shilde aıynda oblystaǵy barlyq eskertkishterdi aralap shyqtyq. Onyń qorytyndysy boıynsha menshik ıelerine zań buzýshylyqtardy joıýǵa 4 uıǵarym berildi. ıAǵnı eskertkishterdi durys kúzetpeý, tártiptiń joqtyǵyna baılanysty», - deıdi Rahat Mámbetalınov.

Jalpy SQO-da 1 myńnan astam tarıhı-mádenı eskertkish bolsa, sonyń 599 memlekettik eskertkishter tizimine engizilgen. Olardyń 436-sy arheologııalyq bolsa, 162-si arhıtektýralyq nysandar. Petropavl qalasynda ǵana 100-den astam eskertkish bar. Olardyń 30-dan astamy Táýelsizdik jyldary boı kótergen. Budan basqa 33 nysan SQO-nyń sakraldy kartasyna engen.


Joǵary qaraı