Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da sheneýnik bes mln teńge jymqyrǵany úshin 7 jylǵa sottaldy

2021 jyldyń 1 qazan 2021 22:56

NUR-SULTAN. QazAqparat – «Soltústik Qazaqstan oblysy ákimi apparatynyń sharýashylyq basqarmasy» kommýnaldyq memlekettik mekemesiniń basshysy para alyp, bıýdjet qarajatyn jymqyrǵany úshin 7 jylǵa bas bostandyǵynyna aıyryldy, dep habarlaıdy QazAqparat tilshisi.

Antikor aqparat alańynda QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Qaısar Barjaqsynov osyndaı málimet berdi.

«2021 jylǵy 22 qyrkúıekte Petropavl qalalyq sotynyń úkimimen «Soltústik Qazaqstan oblysy ákimi apparatynyń sharýashylyq basqarmasy» kommýnaldyq memlekettik mekemesiniń basshysy Jumabaev 7 jylǵa bas bostandyǵynan aıyryldy. Osy úkimmen onyń orynbasary Saǵdeev 3 jyl 6 aıǵa sottaldy. Jumabaev pen Saǵdeev jylý júıesin aǵymdaǵy jóndeý boıynsha memlekettik satyp alýdyń jalǵan shartyn jasasý jolymen 5 mln teńge somasynda bıýdjet qarajatyn jymqyrdy degen kúdikke ilindi», - dedi Qaısar Barjaqsynov.

Onyń aıtýynsha, sot kezinde mekeme basshysynyń memlekettik satyp alý sharttaryn kedergisiz jasaǵany úshin 3 kásipkerlik sýbektisinen jalpy somasy 1 mln teńge para alǵany dáleldengen.

Úkim zańdy kúshine engen joq.


Joǵary qaraı