Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da statsıonarlyq mekemelerge 400 mln teńgege jýyq aıyppul salyndy

2021 jyldyń 24 maýsym 2021 00:06

PETROPAVL. QazAqparat – Soltústik Qazaqstan oblysynda medıtsınalyq uıymdarǵa monıtorıng júrgizilip, nátıjesinde qyzmet kórsetýge qatysty 32 myńnan astam olqylyq anyqtaldy, - dep habarlaıdy QazAqparat tilshisi.

«Áleýmettik medıtsınalyq saqtandyrý qory» KEAQ SQO boıynsha fılıaly medıtsınalyq uıymdarǵa monıtorıng júrgizip, 5 aıdyń qorytyndysyn shyǵardy. Nátıjesinde medıtsınalyq qyzmet kórsetýge qatysty 32 682 kemshilik anyqtaldy.

Baspasóz qyzmetiniń málimetinshe, oblys turǵyndaryna kórsetiletin medıtsınalyq qyzmettiń sapasy men qoljetimdiligin arttyrý maqsatynda óńirdiń densaýlyq saqtaý uıymdarynyń jumysyna únemi monıtorıng júrgiziledi. Kemshin tustar bar. 5 aıdyń qorytyndysy boıynsha eń kóp kemshilik ambýlatorııalyq-emhanalyq kómek kórsetetin uıymdar arasynda, atap aıtqanda konsýltatsııalyq-dıagnostıkalyq qyzmetterge qatysty anyqtalǵan. Medıtsınalyq kómektiń osy túri boıynsha 26 myńnan astam fakti tirkelgen. Al statsıonarlyq jáne statsıonardy almastyratyn kómek kórsetýge qatysty 4 myńnan artyq kemshilik anyqtaldy, olar boıynsha 368,8 mln teńge somasynda aıyppul salyndy.

«Jedel járdem qyzmetinde 186 jaǵdaı tirkeldi. Bul – eń azy. Negizinen emdeý-dıagnostıkalyq is-sharalary standarttarynan aýytqý, medıtsınalyq qujattamany sapasyz júrgizý, qyzmetter qunynyń negizsiz qymbattaýy jáne medıtsınalyq qyzmet kórsetýdiń rastalmaǵan faktileri anyqtaldy», - deıdi mamandar.

Sonymen qatar Qordyń SQO fılıaly sarapshylary is júzinde kórsetilmegen qyzmetterdiń 313 jaǵdaıyn, ıaǵnı qosyp jazýdy anyqtady. Bul jaǵdaılardyń barlyǵy ambýlatorııalyq-emhanalyq kómekke qatysty. Aıyppul sanktsııalary qoldanyla otyra 1,2 mln teńgeden astam qarajat tólemnen alyndy, bul aqsha keıin medıtsınalyq kómekti qarjylandyrýǵa jumsalady. Al júrgizilgen jumystyń nátıjesi boıynsha aqparat densaýlyq saqtaý basqarmasyna tıisti shara qabyldaý úshin jiberildi.


Joǵary qaraı