Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da sybaılas jemqorlyqqa qarsy qyzmet 208 mlrd teńgeden asatyn ınvestjobalardy qorǵaýǵa alǵan

2021 jyldyń 24 qyrkúıek 2021 16:09

PETROPAVL. QazAqparat – Soltústik Qazaqstan oblysynda sybaılas jemqorlyqqa qarsy qyzmet bıznes pen ınvestıtsııalardy qorǵaý jobasy aıasynda jalpy somasy 208 mlrd teńgeden asatyn 37 kelisimge otyrǵan, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttiginiń SQO boıynsha departamentiniń basshysy Jarqyn Ǵalymovtyń aıtýynsha, elimizde úsh jyl buryn «Protecting business and investments» jobasy qolǵa alyndy.

Jobany júzege asyrý barysynda óńirde ınvestorlarmen sybaılas jemqorlyqqa qarsy súıemeldeý týraly 37 kelisim jasaldy. Jalpy somasy 208 mlrd teńgeden asady. Jyldyń basynan bastap sybaılas jemqorlyqqa qarsy qyzmet jergilikti jáne sheteldik ınvestorlarmen 22,9 mlrd teńgege 10 kelisimge otyrǵan.

«Investorlardyń máselesin zańdy túrde sheshýge tyrysamyz. Máselen «Protecting business and investments» jobasyna qatysýshylardyń biri jobalaý keńsesine kelip, Túrkııaǵa 111 myń ınkýbatsııalyq jumyrtqany qaıtarýǵa jol bermeýge kómek kórsetýdi surady. Máseleni egjeı-tegjeıli zerdeleý kezinde buǵan kásipkerdiń tehnıkalyq qatelik jibergeni jáne ýákiletti organda ótinimdi qaraý merziminiń uzartylǵany sebep bolǵandyǵy anyqtaldy. Men bul máseleni ortalyq memlekettik organda kóterdim. Nátıjesinde jumyrtqa partııasyn qaıtarmaı, ony qus sharýashylyǵynda paıdalanýǵa sheshim shyǵaryldy», - deıdi Jarqyn Ǵalymov.

Bıznes pen ınvestıtsııalardy qorǵaý jónindegi joba kásipkerlerdi memlekettik organdar tarapynan zańsyz aralasýdan qorǵaýǵa baǵyttalǵan, aldyn alý sharalary nátıje bermegen jaǵdaıda qylmystyq qýdalaý sharalary qoldanylady.

«Kásipkerden jolaýshylar tasymalyna ruqsat bergeni úshin para alǵan Kólik komıtetiniń bas sarapshysy 30 mln teńge kóleminde aıyppul tóledi.

Men jáne meniń orynbasarlarym kún saıyn azamattardy qabyldaımyz. Bızneske qatysty máseleler árdaıym birinshi orynda, bul - ákimshilik kedergiler, memlekettik qyzmetshiler tarapynan mindetterdi asyra paıdalaný jáne tıisinshe oryndamaý. Kóbinese máseleni egjeı-tegjeıli qaraý kezinde ýákiletti organnyń kásipkerdiń kóńilinen shyqpaıtyn durys sheshim qabyldaǵany belgili bolady. Mundaıda túsindirý jumystaryn júrgizemiz», - deıdi sybaılas jemqorlyqqa qarsy qyzmettiń basshysy Jarqyn Ǵalymov.


Joǵary qaraı