Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

SQO-da tabıǵatty qorǵaýshy tekserispen kelgen tulǵaǵa elik atýǵa ruqsat bergen

2020 jyldyń 9 shilde 2020 18:11

PETROPAVL. QazAqparat – Soltústik Qazaqstan oblysynda «Memlekettik ulttyq tabıǵı parki» respýblıkalyq memlekettik mekemesiniń aýdandyq fılıaldarynyń biriniń dırektoryna jáne qoryqshysyna qatysty sotqa deıingi tergeý bastaldy, dep habarlaıdy QazAqparat tilshisi.

SQO Sybaılas jemqorlyqqa qarsy qyzmettiń málimetinshe, «Memlekettik ulttyq tabıǵı parki» RMM aýdandyq fılıalynyń dırektory fılıaldy tekserýge kelgen laýazymdy tulǵaǵa berý úshin ulttyq park aýmaǵyndaǵy elikti atýǵa qoryqshyǵa zańsyz tapsyrma berdi dep kúdikke ilindi.

Saldarynan qorshaǵan ortaǵa 694,5 myń teńge somasyna shyǵyn kelgen.

Laýazymdyq ókilettikterin asyra paıdalaný faktisinen bólek erekshe qorǵalatyn tabıǵı aýmaqta jabaıy ańdardy qorǵaýǵa mindetti tulǵalardyń qarý qoldanyp, zańsyz ańshylyq jasaý deregi boıynsha fılıal dırektory men qoryqshysyna qatysty sotqa deıingi tergeý bastaldy.

«Sotqa deıingi tergeý barysynda osy fılıal dırektorynyń aǵash daıyndaýshylardan júıeli túrde para alý faktilerin anyqtady. Laýazymdy tulǵa yńǵaıly jerden jalpy kólemi 1260 tekshe metr aǵash kesýge ruqsat berýge jáne ormandy jınaý bıletine 78 myńnan bastap 389 myń teńgege deıingi kólemde para alyp otyrǵan», - delingen baspasóz habarlamasynda.

Aǵash daıyndaýshylarǵa qatysty para berý faktileri boıynsha da sotqa deıingi tergeý bastaldy.



Joǵary qaraı