Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da taǵy bir aýdan ortalyǵynda karantın shekteýleri kúsheıtildi

2020 jyldyń 27 qazan 2020 17:21

PETROPAVL. QazAqparat – Soltústik Qazaqstan oblysynda epıdemıologııalyq jaǵdaıdyń jaqsarýyna baılanysty Kazanskoe aýylynan karantın alynsa, Ýálıhanov aýdanynyń ortalyǵy Kishkenekólde shekteý sharalary kúsheıtildi, dep habarlaıdy QazAqparat tilshisi.

SQO taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetinshe, Ýálıhanov aýdany Kishkenekól eldimekeninde sońǵy eki aptada 10 adamda koronavırýs anyqtalǵan. Osyǵan oraı aýdannyń bas sanıtar dárigeriniń qaýlysymen 24 qazannan Kishkenekólde shekteý sharalary kúsheıtildi.

Al Aqjar aýdanyndaǵy Kazanskoe eldimekeninen karantın alyndy. Kazanskoe aýylynda qaýipti ınfektsııany juqtyrýdyń 5 jaǵdaıy tirkelip, 12 qazannan bastap eki aptaǵa jabylǵan edi. Osy aýdandaǵy Lenıngradskoe eldimekeninde 12 qazannan karantındik shekteýler kúsheıtilgen. Munda 4 naýqas anyqtalǵan edi.

Mamandardyń aıtýynsha, qazirgi tańda Býlaev qalasy 24 jaǵdaımen, Mamlıýtka qalasy 20 jaǵdaımen 9 qazannan, Esil aýdany ıAvlenka eldimekeni 19 naýqastyń anyqtalýymen 11 qazannan, sol aýdandaǵy Chırıkovka aýyly 7 naýqastyń tirkelýimen 17 qazannan karantınde.

Bul tizimde Taıynsha aýdanynyń eki eldimekeni – 1 jaǵdaımen Kırov jáne 4 jaǵdaımen Chermoshnıanka aýyldary da júr. Shal aqyn aýdanyndaǵy Povozochnoe eldimekeninen de 14 qazannan beri karantın alynǵan joq. Munda koronavırýs juqtyrǵan 3 adam bar.

Jalpy SQO-da KVI juqtyrýdyń 4375 deregi tirkeldi. Ótken táýlikte aýyrǵan 11 adam anyqtaldy. Syrqattanǵandardyń deni – shekara asyp kelgender.


Joǵary qaraı