Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da vaktsına alǵandarǵa balalar attraktsıonyna tegin bıletter taratylýda

2021 jyldyń 21 maýsym 2021 22:07

PETROPAVL. QazAqparat – Petropavldaǵy balalar saıabaǵynda koronavırýsqa qarsy vaktsına alǵandarǵa 5 attraktsıonǵa bılet tegin berilip jatyr, dep habarlaıdy QazAqparat tilshisi.

Petropavldaǵy «Attraktsıondar álemi» JShS-niń bul aktsııasy bir aptaǵa, ıaǵnı 27 maýsymǵa deıin jalǵasady. Osy aralyqta koronavırýsqa qarsy vaktsına saldyrǵandar átkenshekterge 5 tegin bılet ala alady. Tek ózderimen birge egilgenin rastaıtyn anyqtama bolýy kerek.

«Aktsııaǵa qatysý úshin taǵy bir shart – «Attraktsıondar álemi» kartasyna 5 myń teńge salý qajet. Ondaǵy aqshany keıin kez kelgen ýaqytta jumsaýǵa bolady. Al tegin alǵan 5 bıletti sol kúni paıdalaný kerek. Ol úshin kelýshi kassırge ekpe saldyrǵany jónindegi pasportyn nemese vaktsınanyń birinshi komponentin alǵany týraly anyqtama men jeke kýáligin kórsetedi. Osylaısha biz de pandemııamen kúreske, ujymyq ımmýnıtet qalyptastyrýǵa óz úlesimizdi qospaq boldyq. Elde jaǵdaı turaqty bolsa, biz de kedergisiz jumys isteımiz», - deıdi kásipker Aleksandr Kozlov.

Aktsııa bastalǵan bir kúnniń ishinde tek 8 adam ǵana tegin bıletter alǵan.

Jalpy JShS jumysshylary 100% vaktsınatsııadan ótken. Olar halyq arasynda júretindikten, ári balalarmen jumys isteıtindikten ekpe alǵan.

Jalpy SQO-da 87 myńnan astam adam koronavırýsqa qarsy ekpeniń 1-shi komponentin alsa, 60 myńǵa jýyǵy tolyq vaktsınatsııadan ótti.


Joǵary qaraı