Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

SQO-da ystan ájesi eki nemeresimen ýlanyp qaldy

2019 jyldyń 12 qarasha 2019 17:37

NUR-SULTAN. QazAqparat – Elimizde jylý berý maýsymy bastalǵannan beri 1612 órt oqıǵasy tirkeldi. Bul týraly QR ІІM Tótenshe jaǵdaılar komıtetiniń tóraǵasy Vladımır Bekker aıtty, dep habarlaıdy QazAqparat tilshisi.

«Jylytý maýsymy bastalǵannan jer úılerde 1612 órt oqıǵasy boldy. Órt saldarynan 42 adam, taǵy 6 adam gazdan ýlanyp kóz jumdy», - deıdi Vladımır Bekker.

Komıtet tóraǵasynyń aıtýynsha, ótken jyldyń osy ýaqytymen salystyrǵanda órt oqıǵasy 21% azaıǵan.

«Byltyrǵy jyldyń osy kezeńimen salystyrǵanda, órt saldarynan kóz jumǵandar sany 18% azaıǵan, sondaı-aq ýly gazben ýlaný saldarynan kóz jumǵandar sany 5 ese azaıǵan», - deıdi ol.

Sonymen qatar, Vladımır Bekker ystan ýlanǵandar týraly aıtty.

«Soltústik Qazaqstan oblysy, Qyzyljar aýdanynda ornalasqan eki qabatty úıdiń birinshi qabatyndaǵy páterde kómirdi durys jaqpaý saldarynan úsh adam, atap aıtqanda 1962 jylǵy úı ıesi men onyń 2001, 2005 jylǵy eki nemeresi ystan ýlanyp, aýrýhanaǵa jatqyzyldy. Peshti paıdalaný erejelerin saqtamaýdyń sońy osyndaı qaıǵyly jaǵdaılarǵa alyp kelýde», - deıdi ol.

Joǵary qaraı