Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da jemqorlyq jaıynda habarlaǵan úsh adamǵa syıaqy berildi

2020 jyldyń 27 qazan 2020 15:43

PETROPAVL. QazAqparat – Soltústik Qazaqstan oblysynda bıyl cybaılas jemqorlyqqa qarsy qyzmet 88 qylmysty ashsa, sonyń 51-i paraqorlyqqa qatysty, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttiginiń SQO boıynsha departamenti baspasóz qyzmetiniń málimetinshe, sońǵy 9 aıdyń ishinde óńirde 88 qylmys tirkelgen. Sonyń 72-si nemese 82 % sybaılas jemqorlyq derekteri. 51-i para alý men berýge qatysty bolsa, 29-y memleket qarjysyn jymqyrýǵa qatysty. Keltirilgen shyǵyn 482,2 mln teńge. Búginge deıin onyń 451,9 mln teńgesi, ıaǵnı 94% qaıtaryldy.

Memlekettik organdardyń 8 basshysynyń qylmysy áshkere boldy. 18 adam sottalyp, 6 adam bostandyǵynan aıyryldy, 11-i aıyppul tólese, 1-eýiniń bostandyǵy shekteldi.

Jyl basynan memlekettik organdarǵa zańbuzýshylyqqa jol berilgendigi jóninde 29 usynym jiberilgen. Nátıjesinde 40 laýazymdy adam tártiptik jaýapkershilikke tartyldy.

2019 jyldyń jeltoqsan aıynda memlekettik saıası qyzmetshilerdiń otstavkaǵa ketýi jáne qol astyndaǵy qyzmetkerleriniń sybaılas jemqorlyqqa jol bergeni úshin memlekettik organdar basshylarynyń jaýapkershiligi zańnamalyq deńgeıde bekitildi. Zań kúshine engeli óńirde 6 jetekshi jaýap berdi. Solardyń biri – SQO ákiminiń orynbasary A.Fedıaev bolsa, ekinshisi Aqjar aýdanynyń ákimi E.Madıarov.

SQO PD bastyǵynyń buıryǵy negizinde Shal aqyn aýdandyq polıtsııa bóliminiń bastyǵy K.Nurahmetov te qol astyndaǵy qyzmetkeri qylmys jasaǵany úshin ornynan alyndy.

Mamandardyń aıtýynsha, jalpy oblysta jyl basynan sybaılas jemqorlyq deregi jaıynda habarlaǵan úsh adam syıaqy aldy. Olarǵa jalpy somasy 583,3 myń teńge tólendi.


Joǵary qaraı