Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da joǵalǵan 8 jasar qyzdyń denesi bes kúnnen keıin tabyldy

2021 jyldyń 13 maýsym 2021 13:25

PETROPAVL. QazAqparat – Soltústik Qazaqstan oblysynda joǵalǵan 8 jasar qyzdyń denesi 5 kúnnen keıin Esil ózeninen tabyldy, dep habarlaıdy QazAqparat tilshisi.

SQO tótenshe jaǵdaılar departamenti baspasóz qyzmetiniń málimetinshe, búgin tańerteń saǵat 7.35 mınýt ketkende Esil aýdany Pokrovka eldi mekeninen 7 shaqyrym jerde jedel-qutqarý jasaǵynyń qyzmetkerleri 8 jasar qyzdyń denesin Esil ózeninen alyp shyqty. 2012 jyly týǵan qyz 8 maýsym kúni Pokrovka aýylynda joǵalyp ketken edi.

Qyzdyń múrdesi sot-medıtsınalyq saraptamaǵa jiberildi.

Jalpy jyl basynan SQO-da 7 adam sýǵa ketti, onyń úsheýi – bala.

SQO TJD qaýipsizdik erejelerin saqtaýǵa shaqyrady: arnaıy jaraqtandyrylǵan oryndarda ǵana sýǵa shomylýǵa bolady, jalǵyz jáne qarańǵyda sýǵa shomylýǵa barmańyz, balalardy jalǵyz ózderin ózen-kólderge jibermeńiz.

Bul eskertý aldaǵy kúnderi asa mańyzdy, óıtkeni SQO-da 13-15 maýsym aralyǵynda qatty ystyq bolmaq, aýa temperatýrasy 35 gradýsqa deıin kóteriledi degen boljam bar.


Joǵary qaraı