Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da joǵalǵan er adamdy súńgýirler Esil ózeninen izdep jatyr

2021 jyldyń 16 maýsym 2021 13:34

PETROPAVL. QazAqparat – Soltústik Qazaqstan oblysynda súńgýirler joǵalǵan 69 jastaǵy er adamdy Esil ózeninen izdep jatyr, - dep habarlaıdy QazAqparat tilshisi.

SQO tótenshe jaǵdaılar departamenti baspasóz qyzmetiniń málimetinshe, oqys oqıǵa Esil aýdany Birlik aýylynda bolǵan. 14 maýsym kúni keshqurym 1952 jyly týǵan er adam belgisiz jaǵdaıda Esil ózeniniń jaǵasynan joǵalǵan.

Іzdeý jumystaryna SQO TJD jedel-qutqarý otrıadynyń mamandary, Esil aýdany № 7 órt sóndirý bóliminiń jeke quramy, polıtsııa, jergilikti atqarýshy organ ókilderi jáne jergilikti turǵyndar men er adamnyń týystary qatysyp jatyr. Oqıǵa ornynda barlyǵy 25 adam júr, 4 tehnıka men bir qaıyq jumyldyrylǵan.

Ózen túbiniń tegis bolmaýy, saz, saldarynan laı sý jáne ıirimderdiń kóptigi súńgýirlerdiń jumysyn qıyndatqan.

Jalpy, jyl basynan SQO-da 7 adam sýǵa ketti, onyń úsheýi – bala.

Oblysqa aptap ystyq keldi. Osyǵan oraı 112 qyzmeti sms-habarlama arqyly turǵyndardy eskertip jatyr. Búgin-erteń óńirde aýa temperatýrasy 38 gradýsqa deıin kóterilmek.


Joǵary qaraı