Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da júrgizýshilerdiń qaýipsizdik beldigin taqpaýy jıilep ketken

2021 jyldyń 21 shilde 2021 02:43

PETROPAVL. QazAqparat – Soltústik Qazaqstan oblysynda jyl basynan jol qozǵalysy erejelerin buzýǵa qatysty 30 myńǵa jýyq derek tirkeldi, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, jol qozǵalysy erejeleriniń taldaýy júrgizýshilerdiń kóbine qaýipsizdik beldigin paıdalanbaıtynyn kórsetken. 6 aıdyń ishinde osyndaı 2817 fakti anyqtaldy. Bul – oblys joldarynda jasalatyn ereje buzýshylyqtardyń ár onynshysy.

«Ustap qalatyn qurylǵylardy paıdalanbaý – jol-kólik oqıǵasy kezinde aýyr saldarǵa alyp kelýi múmkin. Jol qozǵalysy erejeleriniń talaptary kóp jyldyq tájirıbeni eskerýmen ázirlengen, atalǵan ereje adam ómiri men densaýlyǵyn saqtaýdy kózdeıdi. Kólik tizgininde uıaly telefondy paıdalanýǵa tyıym salynǵan, bul da asa mańyzdy. Júrgizýshini kólik basqarý barysynda basqa esh nárse alańdatpaýy tıis. Bul jolǵa velosıpedshiler men skýter júrgizýshileri, kóshege balalar shyqqan jaz mezgilinde asa ózekti. Jarty jyldyń ishinde rólde otyryp telefonmen sóılesýdiń 1 423 faktisi tirkeldi», - deıdi SQO PD jergilikti polıtsııa qyzmeti basqarmasy bastyǵynyń mindetin atqarshy Aleksandr Rozbah.

Jyl basynan jyldamdyqty asyrýǵa qatysty 2 812 derek tirkelgen.



Joǵary qaraı