Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da jyl basynan 700-den astam kólik júrgizýshisi mas kúıinde ustalǵan

2021 jyldyń 15 qyrkúıek 2021 01:32

PETROPAVL. QazAqparat – Soltústik Qazaqstan oblysynda jyl basynan 731 júrgizýshi kólikti mas kúıde basqarǵany úshin jazalandy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, Petropavl mańyndaǵy aınalma jolda patrýldi polıtsııa batalonynyń ekıpajy «GAZel» kóligin toqtatqan. Ony basqarǵan 25 jastaǵy qala turǵyny mas bolyp shyqty. Ákimshilik quqyqbuzýshylyqqa qatysty materıal jınalyp, júrgizýshi 7 jylǵa kólik basqarý quqyǵynan aıyryldy.

Qazir óńirde «Mas júrgizýshi» jedel-aldyn alý is-sharasy ótip jatyr. 1 qyrkúıek bastalǵan aılyqtyń maqsaty – joldardaǵy tártipti nyǵaıtý, rólge mas bolyp otyrý derekteriniń aldyn alý.

«Kólikti mas kúıde basqaratyn júrgizýshiler jol qozǵalysynyń basqa qatysýshylaryna úlken qaýip týdyrady. Segiz aıdyń ishinde mas júrgizýshilerdiń qatysýymen 16 jol-kólik oqıǵasy tirkeldi, 5 adam mert bolyp, 22-si jaraqattandy. Jalpy bıyl túrli jol-kólik oqıǵalarynda 20 adam qaza tapty. Mundaı apattarǵa jol bermeý úshin mas kúıde kólikke otyrmaýǵa shaqyramyz», - deıdi SQO PD jergilikti polıtsııa qyzmeti basqarmasynyń bastyǵy Aıdyn Baımatov.

«Mas júrgizýshi» operatsııasynyń 4 kúni ishinde 24 adam jaýapkershilikke tartyldy. Olar rýlge mas kúıde otyrǵan. Budan basqa 2 myńnan jolda júrý erejesin buzý deregi tirkeldi. Jalpy jyl basynan kólikti mas kúıde basqarǵany úshin 731 adam jaýapkershilikke tartylǵan.



Joǵary qaraı