Aýa raıy
Astana -6 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da jyl basynan beri 1,5 myń sheteldik jumys isteýge ruqsat alǵan

2020 jyldyń 27 qarasha 2020 08:52

PETROPAVL. QazAqparat – Soltústik Qazaqstan oblysynda jyl basynan eńbek mıgranttaryna 1,5 myń ruqsat resimdeldi, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, qazirgi ýaqytta oblys aýmaǵynda 100 eńbek mıgranty tirkelgen.

Olar - Tájikstan, Ózbekstan, Ázerbaıdjan, Moldova, Ýkraına jáne Grýzııa elderiniń azamattary. Bul memleketterdiń azamattaryna 3 aıdaı vızasyz QR aýmaǵyna kirýge ruqsat bar.

Al jumysqa ornalasqan jaǵdaıda ruqsat merzimin 12 aıǵa deıin uzarta alady. Keıin eńbek mıgranty elden shyǵýy qajet.

«Karantınge baılanysty eńbek mıgranttarynyń 16 naýryz ben 1 qarasha aralyǵynda qoldaný merzimi bitken ruqsat qujattary osy kúnge deıin jaramdy bolyp keldi. ıAǵnı, osy aralyqta talap boıynsha Qazaqstan aýmaǵynan shyǵýy tıis sheteldikter quqyq buzýshylar bolyp tanylmady. Alaıda, endi bul jeńildik bitti. Endi eńbek mıgranttary ózderiniń quqyqtyq mártebesin retteýi tıis. 1 qarashadan bastap «Eńbek kóship-qonýshyǵa ruqsat berý jáne uzartý» memlekettik qyzmeti osyndaı ruqsat negizinde 12 aı Qazaqstanda bolǵan adamdarǵa usynylmaıdy», - deıdi SQO PD kóshi-qon qyzmeti basqarmasynyń aǵa ınspektory Edil Qazıev.

Bul qyzmet Halyqqa qyzmet kórsetý ortalyqtarynda kórsetiledi. Qazaqstanda turaqty turýǵa qalý jáne azamattyq alý máseleleri boıynsha 87152 34-00-35 telefon nómirine nemese qaýyrt jeli - 87152 34-00-23 nómirin habarlasýǵa nemese J.Jabaev kóshesi, 71-a mekenjaıyndaǵy Kóshi-qon qyzmeti ortalyǵyndaǵy front-ofıske júginip, aqyl-keńes alýǵa bolady.

Budan basqa, eńbek mıgranttaryna járdemdesý ortalyǵynda ózge elderdiń azamattaryna quqyqtyq qoldaý kórsetiledi. Qoǵamdyq uıymnyń baılanys telefony - 8 7152 46-13-26.

Mamandardyń aıtýynsha, jyl basynan SQO PD kóshi-qon qyzmeti 1468 eńbek kóship-qonýshyǵa ruqsat berdi jáne merzimin uzartty.





Joǵary qaraı