Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

SQO-daǵy áıelder kolonııasynda «Ana – meniń júregim» atty merekelik kesh ótti

2021 jyldyń 3 naýryz 2021 18:53

PETROPAVL. QazAqparat – Soltústik Qazaqstan oblysyndaǵy ES-164/6 mekemesinde halyqaralyq áıelder kúni merekesi qarsańynda «Ana – meniń júregim» atty merekelik kesh ótti, dep habarlaıdy QazAqparat tilshisi.

SQO boıynsha qylmystyq-atqarý júıesi departamenti baspasóz qyzmetiniń málimetinshe, is-shara sottalǵan áıelderdiń týǵan, jaqyn adamdarymen,balalarymen bir kezderi joǵalǵan rýhanı baılanystaryn jandandyrý maqsatynda ótkizildi.

Túzetý mekemesinde búginde 240 qyz-kelinshek jazasyn ótep jatyr. Olardyń ishinde adam qanyn moınyna júktegender de, alaıaqtyq jasap, urlyq úshin otyrǵandar da bar. Jastary da ártúrli.

Máselen solardyń biri Saltanat - kópbalaly ana, «kúmis alqa» ıegeri. Alty balasynan 11 nemeresi bar. Tórt jylǵa sottalǵan ol bıyl jazasyn ótep shyqpaq.

«Bir kisiniń shaqyrýymen topqa kirdim, olar jer satýmen aınalysty. Іstegen áreketteriniń zańsyz ekenin bilmedim. Eshqashan bireýdiń ala jibin attap kórmep edim. 10 aıdan keıin úıge baramyn. Balalarym kútip júr.Nemerelerimdi sottalǵannan beri kórgen joqpyn, ekeýi men osynda otyrǵanda dúnıege keldi», - deıdi jazasyn óteýshi.




Sahnada oryndalǵan ana týraly ánder jazasyn óteýshilerdiń kóńilderin bosatyp, júrekterin qozǵady. Al sottalýshylardyń jaqyndarynyń olardy kele jatqan halyqaralyq áıelder kúnimen beınequttyqtaýy kútpegen syı boldy. Muny túzetý mekemesiniń ákimshiligi uıymdastyrǵan eken.

«Meniń bir balam bar. Mereke qarsańynda ulymnan beınequttyqtaýdy kórý men úshin úlken baqyt. Mekeme ákimshiligine osyndaı tosyn syı jasaǵany úshin alǵysymdy bildiremin. Balamdy qatty saǵyndym. Vasılıı sen eń aqyldy, bilimdi, súıkimdi, balasyń. Jaqyn arada qaıta qaýyshatyn bolamyz», - deıdi jazasyn óteýshi.





Joǵary qaraı