Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-daǵy áıelder kolonııasynda erekshe sán baıqaýy ótti

2021 jyldyń 11 sáýir 2021 21:39

PETROPAVL. QazAqparat – Soltústik Qazaqstan oblysy boıynsha qylmystyq atqarý júıesi departamenti ES 164/6 túzetý mekemesinde sán baıqaýy ótti. Oǵan jazasyn óteýshi 30 qyz-kelinshek qatysty, dep habarlaıdy QazAqparat tilshisi.

SQO boıynsha QAJD baspasóz qyzmetiniń málimetinshe, Petropavldaǵy ES 164/6 túzetý mekemesinde ótken sán baıqaýyna jazasyn óteýshi qyz-kelinshekter jaýapkershilikpen ázirlengen. Sottalǵandar sándi kıim jasaý úshin qoldarynda bar materıaldy: polıetılendi, porolondy,sıntepondy, gazetti, tsellofandy, tipti, plastmassa bótelkelerdi de qoldandy. Áıelder 1,5 aı boıy ázirlegen sándi kıimderin qazylar alqasyna kórsetip qana qoımaı, erekshe usyna da bildi.





«Kıim úlgileri erekshe boldy. Olar qoldanǵan materıaldardyń barlyǵy osy mekemede bar zattar, syrttan eshteńe ákelingen joq. Túzetý mekemesinde mundaı aýqymdy sharalar jyl saıyn ótkizilip otyrady. Sán kórsetilimine qazylyq jasaýǵa oblystyń tanymal kıim dızaıneri Zarına Chernıaeva qatysty», - deıdi SQO boıynsha QAJD bastyǵy Rýstan Ahmetjanov.

Baıqaýǵa qatysýshylardyń biri – Aızada. Ol sán baıqaýyna ázirlegen kıimderin ózi tanystyrdy.

«Maǵan bul baıqaýǵa qatysý qatty unady. Qazir ústime kıip turǵan kıimderimdi polıetılen qapshyqtardan, A4 formattaǵy qaǵazdan jáne skotchtan jasadym. Ideıa ózimdiki», - deıdi Aızada.

Baıqaýda ulttyq naqyshta jasalǵan kıimder de boldy.

Qazylar alqasy baıqaýǵa qatysqan 30 qyz-kelinshektiń ishinen úsh jeńimpazdy anyqtady. Úzdikter baǵaly syılyqtarmen marapattaldy.


Joǵary qaraı