Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-daǵy halyqaralyq aqyndar aıtysy: Bas júlde Ásem Erejeqyzyna buıyrdy

2021 jyldyń 27 qarasha 2021 22:33

PETROPAVL. QazAqparat – Petropavlda QR Táýelsizdiginiń 30 jyldyǵyna arnalǵan «Táýelsizdik – babalar amanaty» atty halyqaralyq aqyndar aıtysy ótti, dep habarlaıdy QazAqparat tilshisi.

Kıeli ónerdiń óńirde nasıhattalýyn «Nur Otan» partııasy qoldap, SQO ákimdigi uıymdastyrdy. Alaman dodany Aıtys aqyndary men jyrshy-termeshilerdiń halyqaralyq odaǵynyń tóraǵasy, Qazaqstannyń eńbek sińirgen qaıratkeri Júrsin Erman júrgizdi.

Sóz saıysyna esimderi elge tanymal qostanaılyq Aıbek Qalıev, astanalyq Raýan Qaıdar, qyzylordalyq Muhtar Nııazov pen Meıirbek Sultanhan, qaraǵandylyq Tólegen Jamanov, Shyǵys Qazaqstannan Serik Qýanǵan, Batys Qazaqstannan Jansaıa Mýsına, Aqmola oblysynan Erlan Dáýlet, Pavlodardan Aspanbek Shuǵataev, Nur-Sultannan Bekzat Asqarov, Ásem Erejeqyzy, SQO-dan Jumabek Rahymov, Jarqyn Juparhan, sondaı-aq Qytaı Halyq Respýblıkasynan Sulýjan Taýypaldy, Ózbekstannan Talǵat Orynbekov, Mońǵolııadan Havdolla Beıishanuly, Qyrǵyzstannan Nursultan Maldybaev syndy aıtýly aıtyskerler qatysty.




Aqyndardyń ónerine Qazaqstannyń eńbek sińirgen qaıratkeri Ǵalym Jaılybaı bastaǵan, QR Parlamenti Májilisiniń depýtaty Janarbek Áshimjanov, aıtys óneriniń aqtańgeri Amanjol Áltaev, Qazaqstannyń eńbek sińirgen qaıratkeri Dáýletkereı Kápuly, aqyn, jýrnalıst Baýyrjan Halıolla, rýhanııat janashyry, kásipker Jomart Omarov, aqyn, sazger, «Qazaq tili» qoǵamynyń tóraǵasy Dásten Baımuqanov baǵa beredi.

Birneshe saǵatqa sozylǵan jyr dodasynda arqaly aqyndar tarıhqa tereń boılap, táýelsizdikti jyrlaryna arqaý etti. Sahnada baq synaǵan aqyndar sózge sheshendigi men oı ushqyrlyǵyn kórsetti.

Nátıjesinde «Táýelsizdik – babalar amanaty» atty halyqaralyq aıtystyń qortyndysy boıynsha bas júlde Ásem Erejeqyzyna, birinshi oryn Havdolla Beıshanulyna buıyrdy. Ekinshi oryndy Jarqyn Juparhan men Meıirbek Sultanhan alsa, úshinshi oryndy Nursultan Maldybaev, Aıbek Qalıev, Jansaıa Mýsına bólisti.









Joǵary qaraı