Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-ǵa bıyl alys-jaqyn shetelderden 20 myń tonna elıtalyq tuqym jetkizilmek

2022 jyldyń 27 qańtar 2022 15:29

PETROPAVL. QazAqparat – Soltústik Qazaqstan oblysynda bıyl elıtalyq tuqym kórsetkishin 9,2 %-ǵa jetkizý mindeti tur. Osy maqsatta alys-jaqyn shetelden 20 myń tonna tuqym satyp alynbaqshy, dep habarlaıdy QazAqparat tilshisi.

SQO aýyl sharýashylyǵy jáne jer qatynastary basqarmasynyń málimetinshe, byltyr kóktemde dıqandar 45,9 myń tonna elıtalyq tuqym qoldanǵan. Nátıjesinde búgingi kúni sort jańartý kórsetkishi 9 %-dy quraǵan, bıyl ony 9,2 %-ǵa deıin jetkizý josparda bar, ol úshin jaqyn jáne alys shetelderden 20 myń tonnadan astam elıta tuqymy ákelinbek.

Óńirde attestattalǵan 30-ǵa jýyq tuqym sharýashylyǵy bar. Olar 28 myń tonna daqyl daıyndaıdy. Budan basqa byltyr sapaly tuqymnyń 13,5 myń tonnasy Reseıden, 4,4 myń tonnasy elimizdiń basqa oblystarynan jáne 100 tonna tuqym Italııa, Frantsııa, Polshadan ákelindi.

Oblysqa egis naýqanyna 453,7 myń tonna tuqym qajet. Aýyl sharýashylyǵy qurylymdary tuqymdyq daqylmen tolyq kólemde qamtamasyz etildi.

Jalpy óńirdiń tuqym óndirýshileri satý jáne óz qajettilikteri úshin 105,6 myń tonna tuqym daıyndady, onyń ishinde: 0,5 myń tonna - biregeı tuqym, 4,3 myń tonnasy - sýperelıtalyq tuqym, 17 myń tonnasy - elıtalyq tuqym, 45,8 myń tonna - birinshi reprodýktsııalyq, 24 myń tonna - ekinshi reprodýktsııalyq bolsa, qalǵany úshinshi reprodýktsııalyq tuqym. Búginge deıin saraptamaǵa 392 myń tonna tuqym túsip, onyń 98 %-y tekserildi.

Byltyr SQO-da «Atameken-Agro-Korneevka» JShS jylyna 60 myń tonna aýyl sharýashylyǵy daqyldarynyń tuqymyn óndiretin zaýytty iske qosty. Ol elimizdegi osyndaı aýqymdaǵy ázirge alǵashqy kásiporyn. Mamandardyń aıtýynsha, zaýytty iske qosý joǵary sapaly, kondıtsııaly tuqym óndirisin edáýir jaqsartady jáne básekege qabilettilikti arttyrmaq.


Joǵary qaraı