Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-ǵa jumys isteýge 128 dáriger shaqyrylmaq

2021 jyldyń 30 shilde 2021 12:04

PETROPAVL. QazAqparat – Soltústik Qazaqstan oblysyna jalpy praktıka dárigerleri, anestezıolog-reanımatologtar, psıhıatrlar jáne sáýlelik dıagnostıka dárigerleri, barlyǵy – 272 maman jetispeıdi, dep habarlaıdy QazAqparat tilshisi.

«Nur Otan» partııasy SQOF baspasóz qyzmetiniń málimetnshe, búgingi tańda SQO boıynsha dáriger kadrlardyń tapshylyǵy ótkir tur, 272 maman qajet.

«Nur Otan» partııasy SQOF janynda qurylǵan ult densaýlyǵy máseleleri jónindegi qoǵamdyq keńes otyrysynda densaýlyq saqtaý basqarmasy basshysynyń orynbasary Qumar Kúsemisov medıtsına kadrlary tapshylyǵyn azaıtý úshin qolǵa alynǵan issharalar týraly aıtyp berdi. Mamannyń sózinshe, óńirde jalpy praktıka dárigerleri, anestezıolog-reanımatologtar, psıhıatrlar jáne sáýlelik dıagnostıka dárigerleri jetispetsdi, Sondaı-aq pedıatrlarǵa, akýsher-gınekologtarǵa jáne dáriger-zerthanashylarǵa qajettilik bar. Budan basqa 102 orta medıtsınalyq qyzmetkerdiń orny bos tur.

«2021 jylǵy 9 shildedegi jaǵdaı boıynsha 1,5 mln teńge mólsherinde kóterme járdemaqy 27 dárigerge berildi. Ortaq soma - 40,5 mln teńge. Bıyl 128 jas dáriger, onyń ishinde 56 maman aýyldyq jerlerge, 72 maman qalaǵa tartylmaq. Oblystyq bıýdjet esebinen bilim alǵan 24 rezıdent qaıtyp kelýi tıis. Qalǵan rezıdentter oqýyn aıaqtap, 2022 jyly jáne 2023 jyly jumysqa kirisedi. Densaýlyq saqtaý basqarmasynyń bıýdjetinde mamandardy tartýǵa 143,5 mln teńge bar. Al 128 dárigerdi tartý úshin 106 mln teńge qajet», - dedi Qumar Kúsemisov.

Búginde SQO-da memlekettik bilim berý tapsyrysy boıynsha jergilikti bıýdjet esebinen 10 joǵary medıtsınalyq oqý orynynda jalpy somasy 155,4 mln teńgege 113 rezıdent oqyp jatyr. Olar keıin óńirde kem degende 5 jyl jumys isteýleri qajet. Rezıdentter ishinde kardıologtar, anestezıologtar-reanımatologtar, oftalmologtar, otorınolarıngologtar, akýsher-gınekologtar, nevrologtar jáne basqa da kóptegen mamandar bar.

Qazir óńirdiń densaýlyq saqtaý uıymdarynda 1 342 dáriger jáne 5 022 orta medıtsına qyzmetkeri jumys isteıdi.


Joǵary qaraı