Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO kenje qalǵan qoı sharýashylyǵyn damytyp jatyr

2021 jyldyń 29 qarasha 2021 21:01

PETROPAVL. QazAqparat – Soltústik Qazaqstan oblysynda bıyl aýyl sharýashylyǵy salasynda 34 joba qolǵa alynsa, sonyń úsheýi asyl tuqymdy qoı basyn kóbeıtýge qatysty, dep habarlaıdy QazAqparat tilshisi.

SQO ákimdiginiń málimetinshe, bıyl óńirde aýyl sharýashylyǵynyń 34 jobasyn júzege asyrý mindeti tur. Jalpy somasy – 48 mlrd teńge.

Onyń 16-sy 9 myń basqa arnalǵan sút fermasynyń qurylysy, bireýi shoshqa fermasyn úlkeıtýge qatysty, ekeýi – 13 myń malǵa shaqtalǵan bordaqylaý kesheni, úsheýi asyl tuqymdy qoı reprodýktory, ekeýi 6 myń tonna et óndiretin qus fermasy, 2,8 myń tonna ónim shyǵaratyn jylyjaı, 7 astyq qoımasy, bir tuqym zaýyty jáne maıly daqyldardy óńdeıtin tseh qurylysy.

SQO-ny 2021-2025 jyldary keshendi damytý jospary aıasynda bıyl respýblıkalyq qazynadan 15 mlrd teńge bólindi.

Nátıjesinde oblystyń barlyq aýdandaryn qamtı otyryp, 6 baǵyt boıynsha 17 aýyl sharýashylyǵy jobasy qarjylandyryldy.

Sonyń ishinde óńirde kenje qalǵan qoı sharýashylyǵy damytylyp jatyr.

Sharýashylyqtar 12 myń toqty satyp aldy. Sonyń ishinde respýblıkadan bólingen qarajatqa Qaraǵandy jáne Shyǵys Qazaqstan oblystarynan 5,2 myń asyl tuqymdy edilbaı jáne qazaqy qoılar jetkizildi.

Nátıjesinde óńirde qoı sharýashylyǵynyń úsh reprodýktory qurylyp jatyr. Olardyń bireýi Jambyl aýdanynda, qalǵan ekeýi Taıynsha aýdanynda jumys istemek.


Joǵary qaraı