Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-nyń ózen-kólderinde sý deńgeıi kóterilip jatyr

2021 jyldyń 11 sáýir 2021 15:15

PETROPAVL. QazAqparat – Soltústik Qazaqstan oblysynda Toqsan bı aýylynyń mańyndaǵy Esil ózeninde sý deńgeıi bir táýlikte 106 sm-ge deıin kóterildi, dep habarlaıdy QazAqparat tilshisi.

«Qazgıdromet» RMK SQO fılıalynyń málimetinshe, óńirdiń sý qoımalarynda muz ústinen sý ketip, muz jamylǵysy buzyla bastady.

Imanburlyq, Aqanburlyq, Muqyr, Sharyq, Qamysaqty sekildi shaǵyn ózenderde sý deńgeıi kúnnen-kúnge kóterilip keledi. Bir táýlikte 2 - 119 sm deıin ózgergen. Máselen, Kovylnoe eldimekeni mańyndaǵy Aqanburlyq ózenindegi gıdropostta sý deńgeıi 86 sm kóterilgen. Al, Andreevka eldimekeni mańyndaǵy Sharyq ózeninde kerisinshe, sý deńgeıi 129 sm deıin túsken.

Esil ózeninde de jaǵdaı turaqsyz. Bir táýlikte sý deńgeıi 2 - 106 sm ózgergen. Toqsan bı aýylynyń mańyndaǵy Esil ózeninde sý 106 sm deıin kóterilgen. Ózen alqaptardan aqqan qar sýymen tolyǵyp jatyr.

Sergeev sý qoımasynda sý kólemi 9 sm artyp, 718 sm jetti. Qazir 87% tolǵan. Erneýinen asyp tógilý úshin 82 sm jetpeıdi.

Korneevka eldimekeni mańyndaǵy Úlken Torańǵul kólindegi gıdropostta sý deńgeıi ózgerissiz – 321 sm aspaǵan. Muz qalyńdyǵy 105 sm shamasynda.

Sınoptıkterdiń boljamynsha, aldaǵy kúnderi aýa temperatýrasy joǵarylaı beredi. ıAǵnı qar qarqyndy erip, ózen-kólderdiń sýy molaımaq.

Qazir SQO-da ózen-kólderdiń sý deńgeıi 19 gıdropost arqyly baqylaýǵa alynǵan. Olardyń 16-sy Esil ózeni men onyń salalarynda, 2-eýi Sergeev jáne Petropavl sý qoımalarynda, 1-eýi Úlken Torańǵul kólinde ornalasqan.

Joǵary qaraı