Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-nyń sý qoımalaryna balyqtyń 44 mln dernásili jiberiledi

2021 jyldyń 6 mamyr 2021 07:44

PETROPAVL. QazAqparat – Soltústik Qazaqstan oblysynyń Sergeev jáne Petropavl sý qoımalaryna balyqtyń 44 mln dernásili jiberiledi, dep habarlaıdy QazAqparat tilshisi.

«Petropavl balyq tálimbaǵy» kásiporny Sergeev, Petropavl sý qoımalaryn memlekettik tapsyrys aıasynda balyqtandyrady. Bul jylda atqarylatyn jumys. Byltyr respýblıkalyq bıýdjetten 45 mln teńge bólinip, 44 mln dana balyq dernásili sý qoımalaryna jiberilse, bıyl da sol mejeni oryndamaq.

«Sergeev sý qoımasyna 34 mln sıg tuqymdas balyqtyń dernásili bosatylady, qalǵan 10 mln-y Petropavl sý qoımasyna jiberiledi. Sý qoımalaryn sıg tuqymdas balyqtardyń: sıg, pelıad, rıpýstyń dernásilderimen balyqtandyrý is-sharasy jylyna bir ret kóktemde júrgiziledi», - deıdi «Petropavl balyq tálimbaǵy» RMQK dırektorynyń mindetin atqarýshy Rýstam Janabaev.

Balyqtyń dernásilderi byltyr qarasha aıynan bastap ınkýbatsııalyq tsehtegi basseınderde ósirildi. Ólip qalmaýy úshin mamandar tehnologııany saqtap, sýdyń temperatýrasyn + 6,+7 gradýstan túsirmedi. Endi olar polıetılen qapshyqtarda sý qoımalaryna jetkiziledi.

«Artylǵanyn oblystyń tabıǵat paıdalanýshylaryna, kólderdi jalǵa alýshylarǵa satamyz. Byltyr kásipkerler 5 mln danasyn satyp alǵan. Al qyrkúıek aıynda tuqy balyǵynyń 1 mln shabaǵyn Sergeev jáne Petropavl sý qoımalaryna jiberýdi josparadyq», - deıdi Rýstam Janabaev.


Joǵary qaraı